Чурапчыга үөрэх эйгэтин эр дьоно ыһыахха муһуннулар

Комментарии Спорт и культура

Поделиться:

НВК САХА – Чурапчыга Имигиттэ алааһыгар үөрэх эйгэтин тэрилтэлэригэр үлэлиир эр дьон мустан, түһүлгэ тэрийэн, самаан сайыны уруйдуу көрүстүлэр. Манна ыраах-чугас сытар нэһилиэктэртэн барыта 170 киһи мустан, күө-дьаа кэпсэтэн, сахалыы сиэринэн үрүҥ күнтэн көрдөһөн, өбүгэ оонньуутун оройуттан туттулар. Тэрээһин сүрүн сыалынан эр киһи аатын үрдэтии, уопсастыбаннай олоххо көхтөөх кыттыыны ыларын ситиһии буолар.

Өссө 2016 сыллаахха эр дьон үөрэх эйгэтин тэрилтэлэригэр суолталара үрдүк буоларын улууска табатык өйдөөн, уопсастыбаннай түмсүүлэр баар буолбуттара. Мантан сиэттэрэн уһуйааннарга да, оскуолаларга да эр киһи оҕону иитэргэ кыттарыгар былааннаах үлэлэр бараллар.

Саха эр киһитэ сатаабатаҕа диэн суох. Былыр-былыргыттан кини тыйыс айылҕаҕа үөскээн, мындыр өйүнэн, илиитин сатабылынан, удьордаабыт утумнарынан дьонун-сэргэтин иитэн, аһатан олорор. Тэрээһиҥҥэ “Саха сатабыла” түһүлгэҕэ эр дьон тоҕуоруһа мустан, олоххо-дьаһахха бэйэлэрин сатабылларын көрдөрдүлэр, кэлбит дьоҥҥо кэпсээтилэр, манна ас астааһын көрүҥүттэн саҕалаан, тимири охсууга тиийэ күрэхтэр ыытылыннылар.

Оттон оҕо эрдэҕиттэн былыргы сэдэх манньыаттары ону тэҥэ анал бэлиэлэри мунньар Сэмэн Уйбаныап туохха да сыаналаммат муспут баайын-дуолун бу күн көрөөччүлэр дьүүллэригэр таһаарбыт

Күн иккис аҥаарыгар өркөн өйү, эти-хааны тургутар араас түһүмэхтэрдээх күрэхтэр буоллулар. Бу курдук эр дьон түмсэ түһэн, биир күнү атаардылар. –фа



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

5 − пять =

ЛЕНТА НОВОСТЕЙ