Чычымахха бэһис күннэрин уота суох олороллор

Комментарии Криминал и происшествие

Поделиться:

НВК САХА – Таатта оройуонун Чычымах бөһүөлэгэр тиэрдэр суол хас да сиринэн быстан турар. Үрдүк күүрүүлээх уот ситимин 19 тирэҕин муус тоҕо солоон, ыам ыйын 12 күнүттэн 700-чэкэ киһи уота суох олорор. Ыам ыйын 14 күнүттэн стационарнай сибээстэрэ эмиэ быстыбыт.

Бөһүөлэккэ бу күннэргэ үчүгэй, ирбэт булуустаах ыал былдьаһыкка сылдьар. Уот арахсарын кытта Васильевтарга «Кэскил» маҕаһыын эт бородууксуйатын уурдарбыт.

Халаан кэмигэр чычымахтар өрүү уоттара барар эбит. 1998-2008 сылларга икки ыйга тиийэ былыргылыы уота суох олорбуттар. Билигин Чычымах үгүс ыала оһоххо астанан, күнүн барыыр.

“Оһохпутугар күнүскү, киэһээҥҥи аспытын буһаран кэбиһэбит. Сайыҥҥы дьиэбитигэр күөспүтүн өрөбүт”, – диир олохтоох Августина Васильева.

Олохтоохтор ыйы-ыйынан эрэйдиир, өрүү быстар уот ситимин ааһар сирин уларытан, өссө 2015 сылга оҥоһуллубут бырайыагынан, Хочонон буолбакка, айан суолун батыһа тардаллара буоллар диэн баҕалаахтар.

Уот ситимин сөргүтүү уу түһэн, айан сырыы олохтонноҕуна эрэ саҕаланар буолан, олохтоохтор сааскы, сайыҥҥы күннэрин санаан, кыһалҕаттан 37 дизели сакаастаан олороллор.  –кс

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

три × пять =

ЛЕНТА НОВОСТЕЙ