Чымынаайыга, Харбалаахха Амма өрүс уута түһэн эрэр

Комментарии Криминал и происшествие

Поделиться:

НВК САХА – Чымынаайы уонна Харбалаах сэлиэнньэлэригэр Амма өрүс уутун таһыма түстэ. Уу таһыма төһө да түстэр, билигин даҕаны муҥутуур таһымтан намтыы илик. Бу туһунан Таатта оройуонун биир кэлим диспетчер сулууспата иһитиннэрэр.

Ыам ыйын 17 күнүгэр 8.00 чаас туругунан, Чымынаайыга уу 1299 см, муҥутуур таһым 1223 см тэҥнэһэр. Бүтэһик чаас иһигэр уу 1 см, оттон суукка иһигэр 27 см түстэ. Муус ырааһырда. Быһа холуйан 198 тэлгэһэ, 51 дьиэ ууга баран турар.

Харбалаахха уу 1050 см, муҥутуур таһым 1000 см. Муус ырааһырда. Быһа холуйан 75 тэлгэһэ, 53 дьиэ ууга турар. Икки чаас иһигэр уу 8 см, оттон суукка иһигэр 42 см түстэ.

Даайа Амматыгар быһа холуйан уу 20 тэлгэһэни ылла, 13 дьиэ муостатын сапта, 4 хаһаайыстыбаннай тутуу муостатыгар диэри тиийдэ. Муҥутуур таһым 1200 см. Манна уу 1460 см диэри тахса сылдьыбыта. Уу таһыма кэмниир мастан намыһах.

Уус Тааттаҕа Алдан өрүс таһыма 1243 см, манна муҥутуур таһым 1450 см тэҥнэһэр. Муус хойуутук устар. Биир күн иһигэр 68 см эбилиннэ.

Хара Алдаҥҥа өрүс мууһун биэрэккэ таһааран тэлгэттэ, ол иһин кээмэйдиир кыах суох. Уу таһыма быһа холуйан 1200 см, муҥутуур таһым 1455 см тэҥнэһэр. Муус хойуутук устар.-яв//кс

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

7 + 17 =

ЛЕНТА НОВОСТЕЙ