Депутатскай бөһүөлэгэр биир дьиэҕэ иккис төгүлүн ыар буруйу оҥоруу таҕыста

Комментарии Криминал и происшествие

Поделиться:

НВК САХА – Усуйаана улууһун Депутатскай бөһүөлэгэр Холуобунай Кодекс 105 ст. 1 ч. (Өлөрүү) ыстатыйанан тэриллибит холуобунай дьыаланы силиэстийэлээһин түмүктэннэ, Бу туһунан Саха өрөспүүбүлүкэтигэр РФ СК управлениета иһитиннэрэр.

Силиэстийэ быһаарбытынан, 2019 сыл олунньу 2 күнүгэр “Арктика” микрооройуонугар турар дьиэ биир кыбартыыратыгар үс эр киһи арыгылаабыт. Биир киһи эмискэ ойон тураат, кыбартыыра хаһаайынын доҕоругар сутуругунан түспүт. Онуоха хаһаайын быһаҕы сулбу тардан ылаат, бу киһи түөһүгэр иккитэ аспыт. Эмсэҕэлээччи сыыллан куота сатаабытын анараа киһи ситэн ылан, быһаҕынан өссө сэттэтэ эбии аспыт. Ылбыт бастаартан бу киһи миэстэтигэр өлбүт. Уорбаланааччыны полиция үлэһиттэрэ тутан хаайбыттар.

Силиэстийэ түмүктэннэ. Матырыйаалы суут көрүүтүгэр ыыттылар.

Бу кыбартыыраҕа 2017 сыллаахха эмиэ арыгылааһын кэмигэр ыаллыы дьахтар хаһаайыны быһаҕынан 54-тэ анньан өлөрбүтэ. Кини билигин хаайыыга олорор.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

шесть + семнадцать =

ЛЕНТА НОВОСТЕЙ