Дьоҕус урбаан сайдар суолу саҕар. Хаҥалас Нөмүгүтүгэр нэһилиэккэ өҥөнү оҥорор урбаан араас хайысхаларга үлэлиир (ВИДЕО)

Комментарии Общество и политика

Просмотров: 56

NVK-ONLINE.RU – Өрөспүүбүлүкэҕэ дьоҕус урбаан сайдар суолу саҕар. Бэйэ оҥорон таһаарыы күүһүрэн эрэрэ олох-дьаһах тупсарыгар эмиэ улахан оруоллаах. Хаҥалас улууһун Нөмүгүтүгэр нэһилиэккэ туһалаах өҥөнү оҥорор хайысхалары өйүүр соруктаах бизнес-инкубатор былырыыҥҥыттан үлэлиир.

Гаврил Леверьев доҕорун Эрнест Ивановтуун ааспыт сыл сэтинньитигэр бизнес-былаан оҥостон баран, бу инкубаторга резиденинэн киирбиттэрэ. Быйыл тохсунньуттан, дьэ, күүстээхтик ылсан үлэлээн, дьон сакааһынан тимири ыллатан, арааһы барытын оҥорон таһаараллар.

2016 сыллаахха өрөспүүбүлүкэ, улуус, нэһилиэк көмөлөөн туттарбыт бизнес-инкубатордарыгар күн бүгүн 4 резидент үлэлиир. Тротуар билиитэтин, корпуснай миэбэл, тимиринэн уһаныы, уһанар мастарыскыай курдук хайысхаларга өҥөлөрү оҥороллор.

Икки хаалбыт миэстэҕэ күрэх биллэрбиттэр. Манна нэһилиэк эрэ дьоно буолбакка, улуустан ким баҕалаах кэлэн кыттыан сөп. Сүрүн ирдэбилэ нолуокка, пенсионнайга иэһэ суох, 3 сылтан кырата суох кэмҥэ үлэлээбит уонна дьоҥҥо туһалаах бэйэ оҥорон таһаарар эйгэҕэ үлэлээх буолуохтаах.



Добавить комментарий

Ваш e-mail не будет опубликован. Обязательные поля помечены *

пятнадцать − 6 =