«Дьокуускай» аэропорду саҥардан оҥорорго Япония хампаанньалара көмөлөһүөхтэрэ

Комментарии Экономика и сельское хозяйство

Поделиться:

НВК САХА – Toshiba, «Хокко», Hokkaido Corporation уонна VK Consulting диэн Япония хампаанньаларын бэрэстэбиитэллэрэ “Дьокуускай” аэропорду саҥардан оҥоруу бырайыагын сэргээтилэр. Бу туһунан аэропорт пресс-сулууспата иһитиннэрдэ.

Ыам ыйын 14 күнүгэр Саха сиригэр Япония инвесторын күнүн иитинэн тас дойду урбаанньыттарын кытта көрсүһүү ыытылынна. Өрүттэр 2032 сылга диэри Дьокуускай аэропордун сайдыытын Стратегиятын инвестиционнай бырайыактарын олоххо киллэрии туһунан ырыттылар.

“Дьокуускай аэропордунан 900 тыһыынча пассажир ааһар буоллаҕына, 2032 сылга диэри Стратегиябыт бырайыактара олоххо киирдэхтэринэ, сылга 1,5 мөлүйүөн киһиэхэ диэри элбэтэр былааннаахпыт”, – диэн аэропорт генеральнай дириэктэрэ Сергей Игнатенко кэпсээтэ.

Инвестордар “Дьокуускай” аэропорду Toshiba диэн Япония мааркатын оборуудабанньатынан хааччыйыахтарын сөп.

“Бэрэбиэркэлиир оборуудабанньа, пассажирдары регистрациялыыр уонна таможня хонтуруолун, таһаҕастары наардыыр тиһик чааһыгар эһиэхэ көмөлөһөргө бэлэммит”, – диэн тас дойду урбаанньыттара бэлиэтээтилэр.

“Дьокуускай” аэропорт терминалын 2020-2021 сылларга саҥардыахтара, быйыл бырайыактыыр-сметалыыр докумуоннара оҥоһуллаллар.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

20 − пять =

ЛЕНТА НОВОСТЕЙ