Дьокуускай балыыһаларыгар дьаҥ элбээн, эбии 100 тахса куойкалары туруордулар

Комментарии Образование и здравоохранение

Поделиться:

НВК САХА – Дьокуускай үс балыыһатыгар эбии 100-тэн тахса куойкалары аҕаллылар. Дьаҥ уонна ОРВИ өрө туран, дьоҥҥо анаан балыыһаларга эбии миэстэлэри туруордулар диэн ТАСС суруйар.

Роспотребнадзор этэринэн, Саха сиригэр дьаҥ эпидемия боруогун 2,3 бүк куоһарда. Ол курдук ордук Дьокуускайга уонна 12 улууска дьаҥ өрө турда.

“Дьокуускайдааҕы оҕо клиническэй балыыһатыгар эбии 15 куойка, өрөспүүбүлүкэтээҕи балыыһаҕа – 40, куораттааҕы оҕо балыыһатыгар 55 куойкалары туруордулар”, – диэн СӨ доруобуйа харыстабылын министиэристибэтигэр иһитиннэрдилэр.

Эмтиир тэрилтэлэргэ дьаҥы утары тэрээһиннэр ыытыллаллар. Ол курдук бырааһы дьиэҕэ ыҥырыы кэмэ өрөбүллэргэ 16.00 чааска диэри уһаата диэн биэдэмистибэҕэ кэпсээтилэр.

Киин куоракка карантины олунньу 8 күнүгэр диэри, оттон Амма улууһугар олунньу 12 күнүгэр диэри уһаттылар.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

восемь − 4 =

ЛЕНТА НОВОСТЕЙ