Дьокуускайга көҥүл тустуу аан дойдутааҕы Кубогын ураты мэтээллэрин көрдөрдүлэр

Комментарии Спорт и культура

Поделиться:

НВК САХА – Бүгүн, кулун тутар 15 күнүгэр, көҥүл тустуу аан дойдутааҕы Кубогын мэтээллэрин көрдөрдүлэр. Дьокуускайга суруналыыстары кытта көрсүһүүгэ СӨ успуорт миниистирэ Иннокений Григорьев мэтээл туһунан кылгастык кэпсээтэ.

Ол курдук Саха сирин кыыһа Диана Баишева уруһуйунан мэтээллэри Art Stone хампаанньа оҥорон биэрбит.

“Диана Баишева кэнники сылларга киэҥ хабааннаах успуорт тэрээһиннэригэр мэтээллэри уруһуйдаан биэрэр, ону Москваҕа баар Art Stone хампаанньа оҥорон таһаарар. Эппитим курдук, мэтээллэр национальнай истииллээхтэр. Омос көрдөххө, саха оһуорун курдук, ол эрээри бу оһуор ыалдьытымсах норуот чороонун бэлиэтиир. Олус кэрэ, ураты мэтээллэр, “кулун тутар 16-17 күннэрэ” диэн суруллубут”, – диэн успуорт миниистирэ эттэ.

Мэтээлгэ туста сылдьар эһэлэр ойууламмыттар.

“Бу эһэлэр бөҕөстөр күүстэрин-уохтарын, үтүө санаалаахтарын, Арассыыйаны, Саха сирин бэлиэтииллэр”, – диэн миниистир бэлиэтээтэ.

 

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

2 × один =

ЛЕНТА НОВОСТЕЙ