Дьокуускай мэрин солбуйааччытын уонна кинилиин куомуннаспыт дьону бэрик ылыыга буруйдаатылар

Комментарии Криминал и происшествие

Поделиться:

НВК САХА – Дьокуускай куорат мэрин солбуйааччытын уонна кинини кытта куомуннаспыт дьону квадратнай миэтэрэнэн бэрик ылбыттар диэн буруйдаатылар. Бу туһунан РФ силиэстийэлиир кэмитиэтин Саха сиринээҕи салаата иһитиннэрдэ.

“Силиэстийэ этэринэн, Дьокуускай сирин-уотун сайыннарыы өттүгэр мэри солбуйааччы Василий Гоголев Дьокуускайга хапытаалынай тутуу боппуруоһунан дьарыктана сылдьан, “Строй-Академия” ХЭУо-ттан тутулла турар дьиэҕэ 114 мөлүйүөн солкуобайдаах 1491 кв миэтэрэни бэрик быһыытынан ылбыт. Тутуу мэндиэмэнин элбэтээри, маннык бэрик бэриллибит”, – диэн биэдэмистибэҕэ эттилэр.

Мэр солбуйааччыта “Утум-Инвест” ХЭУо диэн тутуу фирматын туһатыгар тиксиһиннэрээччилэр нөҥүө бэриги ылбыт. Бу фирманы Гоголев бэйэтэ 2018 сыл балаҕан ыйыгар, мэр солбуйааччыта буолуор диэри баһылаан олорбут.

Силиэдэбэтэллэр буруйу хайдах быһыылаахтык оҥорбуттарын быһаараары, араас үлэни ыыталлар.

Санатар буоллахха, бэрик ылыыга уорбаланар Дьокуускай куорат мэрин солбуйааччыта дуоһунаһыттан тохтообута. Онон кини оннугар куорат сирин-уотун сайыннарыыга баһылык солбуйааччытын эбээһинэһин быстах кэмҥэ толорооччунан Евгений Григорьев анаммыта. Кини бу иннинэ “Сири-уоту сайыннарыы ааҕыныстыбата” (Агентство по развитию территорий) хампаанньа дириэктэринэн үлэлээбитэ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

2 × два =

ЛЕНТА НОВОСТЕЙ