Дьокуускай олохтоохторо бастыҥ уопсастыбаннай эйгэни талыахтара

Комментарии Общество и политика

Поделиться:

НВК САХА – Олунньу 27 күнүгэр киин куорат олохтоохторо бастыҥ уопсастыбаннай эйгэни талыахтара. Бу туһунан Дьокуускай куорат дьаһалтата иһитиннэрэр.

Олунньу 12 күнүттэн 18 күнүгэр диэри куорат олохтоохторуттан былаһааккалары, искибиэрдэри, бульвардары, пааркалары уонна күөллэр кытылларын тупсаран, табыгастаах оҥорууга туһуламмыт 9108 этии киирдэ. Этиилэри дьон тоҕуоруһар сирдэригэр, уокуруктар салалталарыгар уонна кытыы нэһилиэктэр дьаһалталарыгар тэриллибит 24 пууҥҥа хомуйдулар.

Маныаха уопсастыбынньыктар, урбаанньыттар, устудьуоннар, үлэ кэллэктииптэрэ, тутааччылар, ыччат, биэнсийэлээхтэр, суруналыыстар уонна оскуола үөрэнээччилэрэ олус көхтөөхтүк кытыннылар.

Элбэх куолаһы ылан, үс бастыҥ бырайыак иһигэр “Үүнэр көлүөнэ” пааркатын, Роман Дмитриев аатынан кытылы тупсарар уонна Таалай күөлү табыгастаах оҥорор бырайыактар киирдилэр. Бу бырайыактар туһааннааҕынан, 3445, 2382 уонна 551 куолаһы ыллылар.

Талыллыбыт бырайыактар сонуну киэҥник тарҕатар сириэстибэлэргэ бэчээттэниэхтэрэ. Олунньу 27 күнүгэр куоластааһын мээрийэ, уокуруктар уонна кытыы нэһилиэктэр дьаһалталарын дьиэлэригэр, элбэх дьон сылдьар атыы-эргиэн эбийиэктэригэр ыытыллыа.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

три × 2 =

ЛЕНТА НОВОСТЕЙ