Дьокуускай таһыгар эбээннэр Бакалдын бырааһынньыктара ыытылынна

Комментарии Спорт и культура

Поделиться:

НВК САХА – Бэс ыйын 7-9 күннэригэр Дьокуускай куорат таһыгар Аркит диэн сиргэ эбээннэр национальнай бырааһынньыктара – Бакалдын ыытылынна. Бу туһунан СӨ аҕыйах ахсааннаах төрүт омуктарын Ассоциацията иһитиннэрдэ.

Быйылгы Бакалдын Төрүт омуктар тылларын норуоттар икки ардыларынааҕы сылыгар уонна эбээннэр старейшиналарын сэбиэтин бэрэссэдээтэлигэр, бырааһынньыгы төрүттэспит Иван Атласовка ананна. Быйыл Алдан оройуона тэрийэн ыытта.

Үс күн иһигэр тэрээһиҥҥэ 700 киһи Саха сирин араас улуустарыттан сырытта. Ону таһынан тас дойдулартан кэлэн ыалдьыттаатылар.

Үгэс быһыытынан, Бакалдыны күнү көрсүү сиэриттэн-туомуттан, ытык табанан уруйдаан, ыраастаныы туомуттан (Чичивкавун), лиэнтэлэри баайан (Сулганни), уот иччитин аһатан о.д.а. саҕалаатылар.

Кэнсиэрдэр, хоһоон ааҕааччылар, ырыаһыттар куонкурустара, маастардар быыстапкалара тэрилиннилэр, эбэҥки аныгы муодатын көрдөрдүлэр, национальнай оонньуулар ыытылыннылар.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

четырнадцать − девять =

ЛЕНТА НОВОСТЕЙ