Дьокуускайга 2, 4, 17 кыбаарталлары тутуу боппуруоһун киин куоракка ырыттылар

Комментарии Общество и политика

Поделиться:

НВК САХА – Дьокуускайга 2, 4, 17 кыбаарталлары тутуу боппуруоһун киин куоракка ырыттылар. Бу туһунан Дьокуускай куорат думатын бэрэссэдээтэлэ Александр Саввинов “Инстаграм” интэриниэт ситимигэр суруйар.

“Чжода” хампаанньа хантыраак усулуобуйатын толорботоҕун иһин тутуу тохтообута. Ыам ыйыгар хантыраак көтүрүллүбүтэ. Билигин аны ситэ тутуллубатах эбийиэктэрдээх сир учаастагын боппуруоһа турда. Онно ирдэбил сайабылыанньа бэрилиннэ. Куорат сүрүннүүр архитектора Ирина Алексеева 7 тыһыынча кыбартыыраны тутуохха сөптөөх 30 учаастагы быһар тоҕоостоох диэн иһитиннэрбитэ”, – диэн Александр Саввинов санаатын үллэһиннэ.

Саввинов эппитинэн, тутууга үп-харчы өрүтүн быһаарарга, ситими тардарга сорук турар. Салгыы сир учаастактарын туорга таһаарыахтара. Саввинов этэринэн, маны сэргиир дьиэ тутааччылар бааллар.

“Кыбаарталлары тутар боппуруоска бары хамсааһыннары кэмигэр иһитиннэрэр тоҕоостоох”, – диэн Дьокуускай куорат думатын бэрэссэдээтэлэ Александр Саввинов суруйар.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

12 + 7 =

ЛЕНТА НОВОСТЕЙ