Дьокуускайга «Авто-Профи» массыынаны ыытарга үөрэтэр оскуола үлэтин 90 сууккаҕа тохтоттулар

Комментарии Криминал и происшествие

Поделиться:

НВК САХА – Дьокуускайга “Авто-Профи” үөрэнэр киини бэрэбиэркэлээн баран, 90 сууккаҕа үлэтин тохтоттулар. Куораттааҕы борокуратуура уонна ИДьМ суолга куттал суох буолуутун судаарыстыбаннай иниспиэксийэтин салалтата бэрэбиэркэни ыыттылар.

“Массыынаны ыытарга үөрэтэр оскуолаҕа ирдэбиллэргэ эппиэттиир тырааныспар сириэстибэлэрэ, үөрэтэр маастардара суохтар. Массыынаны ыытыы сүрүн өрүттэрин, тырааныспар сириэстибэлэрин техническэй көрүү-харайыы, суол быраабылаларын дуогабара суох уһуйааччы үөрэппит. Ону таһынан кини үөрэтэр быраабын бигэргэтэр дөкүмүөннэрин көрдөрбөтө”, – диэн куораттааҕы борокуратуураҕа эттилэр.

Маны таһынан бэрэбиэркэлээччилэргэ үөрэх тэрилтэтэ массыынаны ыытыы учуотун биэрбэтэ. Анал сурунаалга эксээмэн түмүктэрин, үөрэх былаанын толоруу, үөрэтии түмүгүн, эксээмэн туттарбатах дьон туһунан иһитиннэрии суох.

“Үөрэнэр кэбиниэт тэриллэринэн хааччыллыы ирдэбиллэригэр эппиэттээбэт. Истиэндэҕэ лицензия куоппуйата, “В” категорияҕа суоппардары бэлэмниир бырагыраама, үөрэх араспысаанньата о.д.а. суохтара”, – диэн биэдэмистибэҕэ бэлиэтээн эттилэр.

Онон Дьокуускай куораттааҕы суут массыынаны ыытарга үөрэтэр оскуола үлэтин 90 сууккаҕа үлэтин тохтотто. Суут быһаарыыта сокуон күүһүгэр киирэ илик.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

4 − три =

ЛЕНТА НОВОСТЕЙ