Дьокуускайга «Азия оҕолоро» оонньуулар кыттааччыларын көрүстүлэр

Комментарии От редакции

Поделиться:

НВК САХА – Өрөбүл күн Дьокуускай аэропордугар Соҕуруу Сахалинтан “Азия оҕолоро” бастакы кыһыҥҥы оонньуулар кыттыылаахтара уонна призердэрэ анал рейсинэн көтөн кэллилэр.

Тустаах рейсинэн хайыһардьыттартан уонна биатлоҥҥа кыттыбыт оҕолортон ураты бары кэллилэр. Оҕолору аэропорка төрөппүттэрэ, чугас аймах дьонноро, ону тэҥэ суруналыыстар көрүстүлэр. Төһө да сылаалаах күрэх ааспытын, уһун айан буолбутун иһин, спортсменнар барыларын кытта хаартыскаҕа түстүлэр, мэтээллэрин көрдөрдүлэр.

“Күрэхтэһии уопсай түмүгүнэн үчүгэйдик ааста. Былааммытын толордубут диэххэ сөп.  Ураллааҕы федеральнай уокурукка хаҥкы олус үрдүк таһымҥа тахсыбыт. Кинилэри көрдүбүт, үөрэттибит уонна мантан ыла ситиэхпит диэн эрэнэбит. Спортсменнарга махтанабын, бүтэһигэр диэри кииристилэр, бэйэлэрин үчүгэйдик көрдөрдүлэр”, – диэн “Саха” НКИХ ханаалыгар оҕо успуордун уонна спортивнай эрэллэри бэлэмниир салалта дириэктэрэ Василий Егоров эттэ.

Санатар буоллахха, Соҕуруу Сахалиҥҥа ыытыллыбыт “Азия оҕолоро” оонньууга Саха сирин хамаандата үс үрүҥ көмүс, үс боруонса мэтээли ылары ситистэ.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

7 + 17 =

ЛЕНТА НОВОСТЕЙ