Дьокуускайга биир да мас дьиэлээх уһуйаан хаалбата

Комментарии Образование и здравоохранение

Поделиться:

НВК САХА – Дьокуускайга мас дьиэлээх уһуйаан биир да суох буолла. Ахсынньы 20 күнүгэр  Сайсаар уокуругар сана «Ивушка» уһуйааны үөрүүлээх быһыыга-майгыга астылар.

Үөрүүлээх тэрээһиҥҥэ республика баһылыга Айсен Николаев кыттыыны ылла. Манна 240 кырачаан сылдьыа.

Уһуйаан саҥа дьиэтин урукку эргэ мас дьиэ оннугар государство-чааһынай бииргэ үлэлээһин хайысхатынан туттулар.

Республика правительствотын уонна «ВИС» бөлөх икки ардыгар бииргэ үлэлээһин сөбүлэһиитин  иитинэн тутар уонна инвестицияны угар холдинг өссө 12 социальнай объегы үлэҕэ киллэриэ.

Чуолаан бу сыл бүтүөр диэри 7 объект тутуутун түмүктүүр сорук турар. Ол иһигэр искусство оскуолата, библиотека, «Айыы кыһата» национальнай, 25-с, 6-ыс нүөмэрдээх оскуолалар, 203-с микрооройуоҥҥа уонна Сыырдаах бөһүөлэгэр уһуйааннар бааллар.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

один × три =

ЛЕНТА НОВОСТЕЙ