Дьокуускайга буруйу оҥоруу элбии турар

Комментарии Криминал и происшествие

Поделиться:

НВК САХА – Бу сыл бастакы түөрт ыйыгар өрөспүүбүлүкэҕэ 4228 буруйу оҥоруу чахчыта бэлиэтэммит. Бу туһунан СӨ борокуратууратын пресс-сулууспата иһитиннэрэр.

Маныаха кэккэ улуустарга — Булуҥҥа, Дьааҥыга, Горнайга, Өймөкөөҥҥө, Өлүөхүмэҕэ уонна Дьокуускай куоракка буруйу оҥоруу элбээбит.

Оттон 15 улууска аҕыйаабыт, ордук чуолаан, — Усуйаанаҕа, Уус Алдаҥҥа, Эдьигээҥҥэ, Орто Халымаҕа, Эбээн Бытантайга, Тааттаҕа, Кэбээйигэ, Абыйга уо.д.а.

Ураты ыар буруйдар тахсыбатахтар — Аллайыахаҕа, Анаабырга, Үөһээ Бүлүүгэ, Дьааҥыга, Үөһээ Халымаҕа, Эдьигээҥҥэ, Муомаҕа, Сунтаарга, Орто Халымаҕа, Томпоҕо, Уус Алдаҥҥа, Уус Маайаҕа уонна Эбээн Бытантайга.

Буоларын курдук, өрөспүүбүлүкэҕэ оҥоһуллар буруйдар аҥаардара киһи үбүн-харчытын, баайын-малын апчарыйыыга сыһыаннаахтар — 1982: 1196 уоруу, 107 халааһын, 15 талааһын, 14 түүрэйдээн ылыы уонна 451 түөкүннээһин. Ыар буруй ахсаана элбээбит — 832.

Экономическай буруйдар, ааспыт сыл түөрт ыйын кытта тэҥнээтэххэ, 52,7 %-нан элбээбиттэр – 220-тэн 336-ҕа диэри.

Буруй бу көрүҥэ элбээбит — Дьокуускайга, Өлүөхүмэҕэ, Алдаҥҥа, Бүлүүгэ, Дьааҥыга, Томпоҕо, Намҥа, Ньурбаҕа, Өймөкөөҥҥө, Булуҥҥа.

Бу ыйыллар кэмҥэ хоруупсуйаҕа сыһыаннаах 72  буруй булуллубутуттан, ордук элбэх — Дьокуускайга, Ленскэйгэ, Өлүөхүмэҕэ, Намҥа.

Суолга куттал суох буолуу эйгэтигэр тахсыбыт буруйдарга 263-тэн 236-ҕа диэри аччааһын бэлиэтэнэр.

Итирэн баран, массыынаны ыыта сылдьыы түмүгэр, 1357 буруйу оҥоруу тахсыбыт. Ордук элбэх — Нерюнгрига, Алдаҥҥа, Сунтаарга уонна Томпоҕо.

Сокуоннай саастарын ситэ илик оҕолорго туһуланан, 260 буруй оҥоһуллубут.

Дьахтар буруйу оҥоруута элбии турар — 347-тэн 383-кэ диэри.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

3 × 2 =

ЛЕНТА НОВОСТЕЙ