Дьокуускайга «Экопарк-2019» диэн дьаһалга видеоконкурус түмүгүн таһаардылар

Комментарии Образование и здравоохранение

Поделиться:

НВК САХА – Бүгүн, ыам ыйын 18 күнүгэр Дьокуускай куорат култуура уонна сынньалаҥ пааркатыгар «Экопарк-2019» диэн балаһаакка үлэлээтэ. Манна сибэкки үүннэрээччилэр быыстапка атыылара, чөл туруктаах буолуу аһа, косметиката, муодата, күрэхтэһиилэр, куонкурустар тэрилиннилэр.

Тэрийээччилэр экомуоданы сэҥээрээччилэри түмэн тобох буолар быраҕыллар матырыйааллары сөргүтэн, киһи олоҕор туһалаах маллары саллары оҥорон таһаардылар. Маны тэҥэ бүгүн өрөспүүбүлүкэҕэ ньургуһун күнэ бэлиэтэнэринэн «Саха сирин ньургуһуннара» диэн оскуола оҕолоругар ыытыллыбыт видеоконкурус түмүгүн таһаардылар.

Куонкуруска кыайыылаах алта Сунтаар коррекционнай оскуолатын уонна Покровскай куорат орто оскуолатын үөрэнээччилэрэ наҕараадаланнылар. Оҕолор куонкурус тэрийээччилэриттэн, айылҕа харыстабылын министиэристибэтиттэн уонна «Өлүөнэ очуостара» федеральнай айылҕа пааркатыттан бириис тутан үөрүүлэрэ муҥура суох.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

три × 4 =

ЛЕНТА НОВОСТЕЙ