Дьокуускайга халааҥҥа бэлэмнэнии сэминээрэ ыытыллар

Комментарии Общество и политика

Поделиться:

НВК САХА – Быйылгы сааскы халааҥҥа бэлэмнэнэр туһугар кулун тутар 14-15 күннэригэр үөрэтэр сэминээр ыытыллар. Сэминээргэ муниципальнай тэриллии бэрэстэбиитэллэрэ, баһылыктар, тэрилтэлэр үлэһиттэрэ, ыксаллаах быһыыга-майгыга эппиэтинэстээх дьон кытталлар. Бу туһунан экология министиэристибэтин пресс-сулууспата иһитиннэрэр.

Сэминээргэ СӨ бырабыыталыстыбатын бэрэссэдээтэлин бастакы солбуйааччыта Алексей Колодезников халаан кэмигэр хайдах үлэлииргэ дьон эбии билиини ылыахтара этэ диэтэ. Маны таһынан толуйуу харчытын дөкүмүөннэрин бэлэмнииргэ болҕомтону ууруохпут диэн бэлиэтээтэ.

Экология, айылҕаны туһаныы уонна ойуур хаһаайыстыбатын миниистирэ Сахамин Афанасьев улуустар хайдах үлэлииллэриттэн көмө харчыта кэмигэр тиийэрэ, нэһилиэктэргэ чөлүгэр түһэрии үлэтэ тутулуктаах диэтэ.

Икки күннээх сэминээргэ халаан хоромньутун быһаарар дөкүмүөннэри толорорго болҕомто ууруллуо. Ону таһынан чааһынай уонна муниципальнай бас билиини страховкалыыр, ол төлөбүрүн хайдах ылар туһунан кэпсиэхтэрэ.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

три × 3 =

ЛЕНТА НОВОСТЕЙ