Дьокуускайга «Отчут түһүлгэтэ» ыалдьыттарын күүтэр (ВИДЕО)

Комментарии Общество и политика

Просмотров: 52

NVK-ONLINE.RU – Саха дьоно-сэргэтэ кылгас сайын устата кыстык тахсар усулуобуйатын оҥостон, үтүмэн үлэни үмүрүтэр. Сотору кэминэн өрөспүүбүлүкэ үрдүнэн от хампаанньата саҕаланыа. Онон окко диэри хаһаайыстыбалар техникэлэрин көрүнэллэр, былааннарын туруораллар. Бу нэдиэлэ бүтүүтүгэр киин куоракка “Туймаада” стадиоҥҥа “Отчут түһүлгэтэ” диэн бырайыак ыытыллар.

Россия Үтүөлээх механизатора, Ленин уордьанын кавалера Рожь Николаев сыдьааннара Хатаска аҕа туйаҕын хатаран, ынах-сүөһүнү, сылгыны дэлэтэн, бары үлэни кыайа туталлар. Үгэс быһыытынан окко эдэрдиин-эмэнниин бары тахсаллар. Билигин от иннинэ итэҕэһи-быһаҕаһы быһааран, бэлэмнэнии үгэнигэр сылдьаллар.

Федот Николаев курдук тыа сирин дьонугар анаан “Туймаада Лизинг” хампаанньа уонна “Сайдар плюс” айар бөлөх улахан бириистэрдээх “Отчут түһүлгэтин” Дьокуускайга бэс ыйын 18-с күнүгэр киэһэ 6 чаастан “Туймаада” стадионугар тэрийиэхтэрэ. Бу аан бастакы отчукка анаммыт бырайыак буолар. Бириистэргэ массыыналар, тыраахтардар, от куннарга, мунньардара, охсордоро, араас от үлэтигэр туһалаах мал-сал, уматык кытта киирдэ.

“Отчут түһүлгэтигэр” тыыннаах доҕуһуолунан улахан кэнсиэр түһүлгэтэ тэнийиэ. Саха сирин маанылаах куоластара ыллыахтара, оттон киэһэни биллэр ыытааччылар иилээн ыытыахтара. Тэрийээччилэр бу бырайыакка үгүс саҥаны киллэрдилэр, холобура, билиэт автосервиска чэпчэтиини мэктиэлиир. Итиэннэ кэнсиэр күн стадиоҥҥа киириигэ хас биирдии киһи бэйэтэ билиэт корешогун быһан, анал иһиккэ угуоҕа.

Онон тэрийээччилэр Саха сирин олохтоохторун улахан үлэ иннинэ сынньана таарыйа, баакка кыаххытын тургутан көрөргө ыҥыраллар.



Добавить комментарий

Ваш e-mail не будет опубликован. Обязательные поля помечены *

20 + 2 =