Дьокуускайга суол саахалыгар биир улахан киһи уонна үс оҕо эчэйдэ

Комментарии Горячая линия

Поделиться:

НВК САХА – Бүгүн, от ыйын 12 күнүгэр, Дьокуускай куорат Автодорожнай уулуссатыгар улахан уйуктаах массыына кыттыылаах суох саахала буолла. Бу туһунан суолга куттал суох буолуу судаарыстыбаннай инспекциятын (ГИБДД) пресс-сулууспата иһитиннэрдэ. Кыра массыына суоппара уонна үс оҕо балыыһаҕа киирдилэр.

“Автодорожнай уулусса 19/1 №дээх дьиэтин аттынан “ФАВ Джей-6″ массыынаны ыытан испит эдэр киһи утары балаһаҕа тахсан, Toyota Prius массыынаҕа кэтиллибит. Суол быһылааныгар эчэйэн, суоппар уонна кини үс, сэттэ уонна аҕыс саастаах кыргыттара балыыһаҕа киирдилэр”, – диэн биэдэмистибэ иһитиннэриитигэр этиллэр.

Инпекцияҕа эппиттэринэн, саахал кэмигэр икки суоппар арыгы испит туруктара суоҕа.

“Таһаҕас массыынатын суоппара этэринэн, кини хаҥас диэки салайаары тохтообут массыынаны кытта харсыһымаары, утары балаһаҕа тахсыбыт”, – диэн эттилэр.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

15 + семнадцать =

ЛЕНТА НОВОСТЕЙ