Дьокуускайга төрүт олохтоох омуктар национальнай таҥастаах хаамтылар

Комментарии Главные новости, Спорт и культура

Поделиться:

НВК САХА – Бүгүн – Аан дойду төрүт олохтоох омуктарын норуоттар икки ардыларынааҕы күнэ. Бэлиэ күн чэрчитинэн Дьокуускайга “Кочевье-2019” диэн национальнай бырааһынньык ыытылынна. Орджоникидзе болуоссатыгар национальнай таҥастаах мустубут дьон сэлэлии хаамтылар.

Төрүт омуктар национальнай таҥастарын кэтэн, Орджоникидзе болуоссатынан хаамтылар. Кэнсиэр, маастардар дьаарбаҥка-быыстапкалара, СӨ Национальнай библиотеката туруорбут кинигэ быыстапката, ону таһынан “Аюкта” бэстибээл ыытылынна.

Аан дойду төрүт олохтоох омуктарын норуоттар икки ардыларынааҕы күнүн иитинэн Дьокуускайга хас да тэрээһин ыытыллар. Ол курдук атырдьах ыйын 6 күнүгэр Эдьигээн национальнай эбэҥки оройуонун историятын, култууратын туһунан кинигэ сүрэхтэммитэ. Эмиэ бу күн Үс Хатыҥҥа Ыччат бэһис Сугулаана саҕаламмыта. Сибиир уонна Уһук Илин биэс регионуттан кыттааччылар кэлэн, былаас уорганнарын кытта Арктика уонна хотугу сирдэри сайыннарыы туһунан ырыталлар, пуорум бырагырааматыгар кытталлар.

Атырдьах ыйын 7 күнүгэр Норуоттар доҕордоһууларын дьиэтигэр “Аюкта” эбэҥки фольклорун бэстибээлэ аһыллыбыта.

Санатар буоллахха, аан дойду үрдүнэн төрүт олохтоох омуктар күннэрэ сыл аайы атырдьах ыйын 9 күнүгэр бэлиэтэнэр. Бу күнү 1994 сыллаахха Холбоһуктаах нациялар тэрилтэлэрин Генеральнай Ассамблеятын көҕүлээһининэн олохтоммута.

 

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

семнадцать − десять =

ЛЕНТА НОВОСТЕЙ