Дьокуускайга тыынан устарга аһаҕас чемпионат үһүс төгүлүн буолуоҕа (ВИДЕО)

Комментарии Спорт и культура

Поделиться:

NVK-ONLINE.RU – От ыйын 17 күнүгэр саха тыытыгар өрөспүүбүлүкэ 3-с аһаҕас чемпионата ыытыллыаҕа. Быйылгы күрэх сахалартан бастакы, паруснай спорка олимпийскай чемпион Тимир Пинегин 90 сылыгар ананар. 

Тимир Пинегин – паруснай спорка уонна хайаттан хайыһарынан түһүүгэ Сэбиэскэй Сойуус чемпиона. Бу икки көрүҥтэн паруснай спорду талан, 1960 сыллаахха Римҥа ыытыллыбыт Олимпийскай оонньууларга кыттыыны ылбыта. Ол кэмҥэ Сэбиэскэй Сойуустан бу спорт көрүҥэр 10 иһигэр киирбит спортсмен суоҕа.

Паруснай спорка Европа, Хотугу Африка чемпиона, сахалартан бастакы Олимпийскай оонньуулар кыайыылааҕын аатын үйэтитэр соруктан саха тыытыгар өрөспүүбүлүкэ үһүс аһаҕас чемпионатын Тимир Пинегын 90 сылыгар анаатылар.

Күрэхтэһиигэ эдэриттэн-эмэниттэн тутулуга суох, ким баҕалаах кыттыан сөп. Эр дьон 4, дьахталлар 2 бөлөҕүнэн арахсан, 2 тыһыынча миэтирэҕэ күрэхтэһиэхтэрэ.

Саха тыытынан күрэхтэһии от ыйын 17 күнүгэр күнүс 2 чаастан Сайсары күөлгэ ыытыллыаҕа. Ууга сэрэхтээх буолууну Ыксаллаах быһыы-майгы сулууспатын үлэһиттэрэ хааччыйыахтара. Кыайыылаахтар сыаналаах бириистэринэн уонна Тимир Пинегин Кубогынан наҕараадаланыахтара.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

четырнадцать + 5 =

ЛЕНТА НОВОСТЕЙ