Дьокуускайга урбаанньыттарга эриэйдэ нэдиэлэ аайы ыытыллар

Комментарии Общество и политика

Поделиться:

НВК САХА – Дьокуускай баһылыгын иһинэн урбаан эйгэтигэр сокуону тутуһууну хааччыйыы биэдэмистибэ икки ардынааҕы хамыыһыйата уонна киин куорат дьаһалтатын хамыыһыйата нэдиэлэ аайы сокуону кэһэр урбаан эбийиэктэрин булар инниттэн холбоһуктаах эриэйдэни ыыталлар.

Кулун тутар 20 күнүттэн муус устар 10 күнүгэр диэри оробуочай бөлөх 26 эбийиэккэ сырытта.  Ол иһигэр оҕуруот аһын, фруктаны атыылыыр базаҕа, уопсай аһылык 13 тэрилтэтигэр, массыына саппаас чааһын атыылыыр 11 павильоҥҥа, массыына сиэрбиһигэр бэрэбиэркэни ыытта. Онуоха үгүстэригэр хонтуруоллуур-каассабай тиэхиньикэ, отчуот былааҥката суох. Итини таһынан толорооччу туһунан сибидиэнньэ, туһанааччы муннуга, санаа үллэстэр, этии киллэрэр кинигэ суох.

Массыына сиэрбиһин эбийиэктэригэр сүрүннээн сыана туһунан иһитиннэрии, дуогабар холобура, тырааныспары туттарыы аактата көстүбэт. Бу барыта – туһанааччы быраабын кэһии.

Уопсай аһылык тэрилтэлэригэр санитарнай быраабыланы, ирдэбили ырааҕынан тутуспаттар, аһы-үөлү сөптөөх усулуобуйаҕа харайыы тэриллибэт, үлэһиттэр мэдиссиинэ киниискэлэрэ, үлэни хонтуруоллуур бырагыраамата суох.

Маннык эриэйдэлэр сыл устата барыахтара. Быраабыла быһыытынан, хамыыһыйа бэрэбиэркэ кэнниттэн кэһиини кылгас кэмҥэ туоратар туһунан ыйыыны-кэрдиини оҥорор.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

5 × 1 =

ЛЕНТА НОВОСТЕЙ