Дьокуускайга Япония сүүмэрдэммит хамаандата бастыҥ бөҕөстөрүн аҕалла

Комментарии Главные новости, Спорт и культура

Поделиться:

НВК САХА – Дьокуускайга ыытыллар көҥүл тустуу аан дойдутааҕы Кубогар киирсэргэ Япония сүүмэрдэммит хамаандатыгар бастыҥ бөҕөстөрө киирдилэр. Хамаанда састаабыгар аан дойду чөмпүйүөнэ, аан дойдуга уонна Азияҕа бастыыр иһин күрэхтэһиилэр призердэрэ, кыайыылаахтара бааллар.

Ол курдук 2017 сылга аан дойду уонна Азия чөмпүйүөнэ Юки Такахаши кэллэ. Кини аан дойдуга бастыыр иһин күрэхтэһии призерэ уонна 2018 сылга ыытыллыбыт Азия оонньууларыгар 57 кг ыйааһыҥҥа боруонса мэтээл хаһаайына буолар.

Ону таһынан Япония хамаандатын састаабыгар биллэр-көстөр спортсменнар – ини-бии Такатанилар киирдилэр. Сосуке Лондоҥҥа ыытыллыбыт Олимпийскай оонньууларга кыттыбыта уонна 2014 сыллаахха аан дойду чөмпүйэнээтин призерэ буолбута. Оттон кини быраата Даичи – Дьокуускайга ыытыллыбыт Дмитрий Коркин кэриэһигэр норуоттар икки ардыларынааҕы турнир кыайыылааҕа.

Япония хамаандатыгар 12 спортсмен киирдэ. Ону таһынан 65 кг диэри уонна 125 кг ыйааһыннарга бөҕөстөр саппааска бааллар.

Япония дэлэгээссийэтэ Дьокуускайга кулун тутар 12 күнүгэр кэлбитэ. Онно тириэньэрдэр, судьуйалар, массажистар, быраас уонна маассабай иһитиннэрии сириэстибэлэрэ киирдилэр.

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

девятнадцать − 9 =

ЛЕНТА НОВОСТЕЙ