Дьокуускайга «За рулем» уонна «Кэрэ буолуу оскуолата» бырайыактар саҕаланнылар

Комментарии Общество и политика

Поделиться:

НВК САХА – От ыйын 22 күнүттэн “Арена 31” ыччат киинигэр “За рулем” бырайыак иккис түһүмэҕэ саҕаланна. Дьарыктар нэдиэлэҕэ үстэ (бэнидиэнньиккэ, сэрэдэҕэ уонна бээтинсэҕэ) 13.00-14.00 чааска диэри ыытыллаллар.

Оҕолору массыынаны ыытыы быраабылатыгар”Фаворит” автооскуолаҕа үөрэтиэхтэрэ. Бырайыак түмүгүнэн бастыҥ үөрэнээччилэри “В” категорияҕа бу оскуолаҕа босхо үөрэнэр сертификатынан бэлиэтиэхтэрэ.

Бырайыакка бастакынан 10-11 кылаас, оттон кэлин 5-6 кылаас үөрэнээччилэрэ кыттыахтара. Киин куорат ыччат уонна дьиэ кэргэн бэлиитикэтигэр управлениетын салайааччыта Константин Соколов бэлиэтээбитинэн, дьарыктар оҕолор иллэҥ кэмнэрин туһалаахтык атааралларыгар итиэннэ инникитин үлэҕэ киирэллэригэр төһүү буолуохтара.

Маны таһынан, от ыйын 22 күнүттэн “Кэрэ буолуу оскуолата” диэн ааттаах бырайыак саҕаланна. Манна 10-11 кылааска үөрэнэр кыргыттары эмиэ “Арена 31” ыччат киинигэр хас күн ахсын 14.00-15.00 чааска диэри тыҥырах оҥоруу, баттах кырыйыы итиэннэ визажист маастарыстыбатыгар үөрэтиэхтэрэ. Бу түмүгүнэн кинилэргэ үөрэҕи ааспыттарын туоһулуур сертификат туттарыахтара.

Бэлиэтээн эттэххэ, бу икки бырайыакка сокуоннай саастарын туола илик оҕолор дьыалаларыгар хамыыһыйаҕа профилактика учуотугар турар ыччат хабыллар. Бу туһуһан Дьокуускай дьаһалтатын уопсастыннаһы уонна сонуну киэҥник тарҕатар сириэтистибэлэри кытта алтыһыыга департамена иһитиннэнэр.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

19 − 14 =

ЛЕНТА НОВОСТЕЙ