Дьокуускайтан көтүөхтээх 11 рейс улуустарга буруо турарын иһин тардылынна

Комментарии Главные новости, Общество и политика

Поделиться:

НВК САХА –  Улуустарга буруо турарын иһин уонна Зырянка бөһүөлэгин аэропордугар көтөр-түһэр балаһа ууга баран, Дьокуускайтан көтүөхтээх 11 рейс тардылынна.

“Полярные авиалинии” авиахампаанньа үс рейсэ Дьокуускай – Баатаҕай хайысханан атырдьах ыйын 13,14 уонна 15 күннэригэр көтүөхтээх этилэр.

“Баатаҕайга көтүөхтээх рейстэр хойуу буруо турарын иһин тардылыннылар”, – диэн “Полярные авиалинии” авиахампаанньа пресс-сулууспатыгар иһитиннэрдилэр.

Ону таһынан Дьокуускайтан Баатаҕай бөһүөлэгэр диэри “Якутия” авиахампаанньа көтүөхтээх үс рейсэ уонна “Ираэро” икки рейсэ тардылыннылар.

Буруолааҕын иһин Ленскэйгэ көтүөхтээх “ИрАэро” авиахампаанньа, Уус Куйга бөһүөлэгэр көтүөхтээх “Полярные авиалинии” авиахампаанньа, Сунтаарга көтүөхтээх “Якутия” авиахампаанньа рейстэрэ тардылыннылар.

Маны таһынан, атырдьах ыйын 13 күнүгэр олохтоох бириэмэнэн 13.40 чааска көтүөхтээх “Якутия” авиахампаанньа Дьокуускай – Зырянка рейсэ тардылынна.

Үөһээ Халыма улууһун биир кэлим диспетчер сулууспатыгар эппиттэринэн, Халыматааҕы ГЭС уутун бырахтаран, Зырянка аэропордун көтөр-түһэр балаһата ууга барбыт.

Источник: сайт телеканала “Якутия 24”.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

восемнадцать − двенадцать =

ЛЕНТА НОВОСТЕЙ