Дьокуускайтан Турцияҕа быһа көтөр рейстэр баар буолуохтарын сөп

Комментарии Главные новости, Экономика и сельское хозяйство

Поделиться:

НВК САХА –  «Turkish airlines» авиахампаанньа бэрэстэбиитэллэрин кытта Саха сирин урбааҥҥа миниистирэ Ирина Высоких көрсүһүүтүгэр «Дьокуускай – Стамбул – Дьокуускай» көтөр рейсэни киллэрэр туһунан кэпсэттилэр. Дьокуускай аэропордуттан Уһук Илин олохтоохторо, ыалдьыттара Турцияҕа быһалыы көтүөхтэрин сөп буолар.

Туроператордар этэллэринэн, регион олохтоохторо Турцияҕа элбэхтик сылдьаллар. Онуоха кинилэр Россия киин куораттарыттан көтөргө күһэллэллэр.

Турция өттүттэн быһа рейстэри оҥорууну өйүүллэр. Анталияҕа дьон ордук сайыҥҥы өттүгэр сылдьар буолан, «Дьокуускай-Анталия» рейсэ сайыҥҥы өттүгэр оҥоһуллуоҕа.

Авиахампаанньа Москватааҕы бэрэстэбиитэлэ Туран Йардымджы Турция уонна Саха сирин икки ардыгар рейсэлэри оҥорууга интэриэстээҕин уонна бу сорук олоххо киирэригэр эрэнэрин биллэрдэ.

«Turkish airlines» хампаанньаны кытта үлэлэһэрбититтэн олус үөрэбит. Сотору кэминэн боппуруос ымпыгын-чымпыгын быһаарсыахпыт диэн эрэнэбин», — диэтэ «Якутия» авиахампаанньа кэмиэрчэскэй дириэктэрэ Андрей Винокуров.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

19 + один =

ЛЕНТА НОВОСТЕЙ