Доруобуйаларынан хааччахтаах дьон үлэлээх буоларыгар көмөлөһөр урбаанньыттарга субсидия бэриллиэҕэ

Комментарии Общество и политика

Поделиться:

НВК САХА – Муус устар 24 күнүгэр СӨ бырабыыталыстыбатын мунньаҕар өрөспүүбүлүкэ бүдьүөтүттэн тустаах субсидиялары биэрии бэрээдэгин бигэргэттилэр.

Бырабыыталыстыба уурааҕар субсидиялары доруобуйаларынан хааччахтаах дьону үлэ миэстэтинэн хааччыйарга көмөлөһөр юридическай сирэйдэр, судаарыстыбаннай (муниципальнай) буолбатах тэрилтэлэр уонна биирдиилээн урбаанньыттар ылыахтара диэн этиллэр.

Бэриллэр үп анал оборуудабанньаны атыылаһарга, монтажтыырга уонна туруорарга, санитарнай-бытовой хостору уларытан оҥорорго, оробуочай сирдэри бырайыактыырга итиэннэ хааччыйарга, тырааныспар турар сирин оҥорорго, пандустары, көтөҕөр тэриллэри, ааннары, боруоталары туруорарга, ол иһигэр мэһэйэ суох дьиэттэн көһөрүү суолларын оҥорорго көрүллэр.

Россия Пенсионнай пуондатын өрөспүүбүлүкэтээҕи салаатын дааннайынан, Саха сиригэр 54 667 доруобуйаларынан хааччахтаах дьон баар. Онтон 6 824-дэ күн бүгүн үлэнэн хааччыллыбыт.

Сылын ахсын өрөспүүбүлүкэ дьарыктаах буолуутун сулууспатыгар доруобуйаларынан хааччахтаах 1300 киһи кэлэр, олортон 40 бырыһыана үлэ булар. 2024 сылга диэри үлэлээх инбэлиит дьон ахсаана 50 бырыһыаҥҥа тиийиэхтээх. Маннык сорук өрөспүүбүлүкэ баһылыгын “СӨ социальнай-экономическай сайдыытын стратегическай хайысхаларын туһунан” ыйааҕар этиллэр.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

пятнадцать − тринадцать =

ЛЕНТА НОВОСТЕЙ