Доруобуйатыгар хааччахтаах дьоҥҥо кибер-успуорка күрэхтэһии саҕаланна

Комментарии Спорт и культура

Поделиться:

НВК САХА – “Хас биирдиигэ – саҥа кыах”. Итинник аатынан киин куоракка доруобуйатыгар хааччахтаах дьоҥҥо анаан кибер-успуорка турнир ыытыллар.

Үһүс төгүлүн тэриллэр быйылгы турнирга чугастааҕы улуустартан 30 чугаһыыр киһи кыттар. Кинилэр ортолоругар Нам, Мэҥэ Хаҥалас, Хаҥалас, Уус Алдан уонна Горнай улууһун бэрэстэбиитэллэрэ бааллар.

Тэрийээччилэр этэллэринэн, эрдэтээҥҥи күрэхтэһиигэ кыргыттар кыттан, кыайыыны кытта ситиһэллэрэ. Ааспыт сыллардааҕы күрэхтэһии кыайыылаахтара быйыл тэрийээччи быһыытынан кытталлар.

Саамай эдэр кыттааччы 18 саастаах буоллаҕына, саамай аҕаларынан 31 саастаах киһи буолар.

Күрэхтэһии кыттыылаахтара уонна тэрийээччилэрэ успуорт бу көрүҥэ Саха сиригэр бытааннык эрээри, эрэллээхтик сайдан иһэриттэн үөрэллэрин биллэрэллэр. Онуоха араас кулууп, түмсүү, холбоһук өйүүрүн чорботон бэлиэтииллэр.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

два × четыре =

ЛЕНТА НОВОСТЕЙ