«Эдэр талааннар куттал суох буолуутун иһин» диэн өрөспүүбүлүкэтээҕи бэстибээл түмүктэннэ

Комментарии Спорт и культура

Поделиться:

НВК САХА – Дьокуускайга Арассыыйа баһаарынай манабылын 370 сылыгар анаммыт «Эдэр талааннар куттал суох буолуутун иһин» диэн өрөспүүбүлүкэтээҕи бэстибээл түмүктэннэ.

Бэстибээл вокальнай ускуустуба, үҥкүү, агитбиригээдэ, тыйаатыр ускуустубата диэн түөрт номинациянан барда.

Икки күн устата киин куорат уонна таһынааҕы бөһүөлэктэр, итиэннэ чугас сытар улуустар оскуолаларын оҕолоро баһаары утары тиэмэҕэ дьоҕурдарын, маастарыстыбаларын көрдөрдүлэр. Ол түмүгэр Гран-прини Жатай уокуругун 1 нүөмэрдээх орто оскуолата ылла.

Уопсай хамаанданан киирсиигэ I истиэпэннээх дьупулуомунан эмиэ Жатайтан Скрябин аатынан 2№-дээх орто оскуола, Покровскай 3№-дээх орто оскуолата II истиэпэннээх, Дьокуускай уокуругун Табаҕа орто оскуолатын кэлэктиибэ III истиэпэннээх дьупулуомунан наҕараадаланна.

Бастыҥ нүөмэрдэр видеонан уһуллууларын Москваҕа быйыл атырдьах ыйыгар ыытыллар «Талааннар уонна сүгүрүйээччилэр» Бүтүн Арассыыйатааҕы бэстибээл сүүмэрдиир түһүмэҕэр ыытыахтара.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

20 − 15 =

ЛЕНТА НОВОСТЕЙ