Үөһээ Бүлүүгэ «Манчаары оонньууларыгар» 3 тыһыынча көрөөччүнү батарар стадиону туталлар (ВИДЕО)

Комментарии Спорт и культура

Просмотров: 46

NVK-ONLINE.RU – Үөһээ Бүлүүгэ бүгүҥҥү олох 20-с үбүлүөйдээх “Манчаары оонньууларын” тула эргийэр. Билигин улуус иннигэр турар сүрүн сыал – улахан тутуулары кэмигэр үлэҕэ киллэрии. Тэрээһин сүрүн чааһа ыытыллыахтаах сүдү стадионун тутууга үлэ күөстүү оргуйар.

Аҕыйах эрэ кэм анараа өттүгэр аһаҕас сыппыт киэҥ ньуурга Манчаары Баһылай үтүө аатыгар сүүрбэһис төгүлүн ыытыллар спортивнай оонньууларыгар анаан киэҥ-куоҥ стадион, элбэх хайысхалаах спортивнай киин уонна 3000 киһи олорон көрөр трибуната дьэндэһэн таҕыстылар. Трибуна оҥоһуллар бырайыага икки өттүттэн сүүйүүлээх. Сайынын манна улахан тэрээһиннэргэ көрөөччүлэр олоруохтара. Онтон кыһынын, трибуна иһэ ичигэс манеж буолан, араас дьарыктар ыытыллыахтара.

Биир кэмҥэ бу улахан тутууну уот ситиминэн хааччыйыыга кэккэ кыһалҕалар тахса сылдьыбыттара. Билигин ол туоратыллан, уоту тардыы үлэтэ саҕаланна. Анал биригээдэ остуолбалары туруорарга бэлэмниир.

Тутуу матырыйаала билигин да кэлэ турар. Былаан быһыытынан, бэс ыйын ортотугар диэри бары ис-тас үлэтэ бүтэн, бастакы тургутан көрөр күрэхтэһиилэр ыытыллыахтара.



Добавить комментарий

Ваш e-mail не будет опубликован. Обязательные поля помечены *

один × 2 =