Үөһээ Бүлүүгэ сокуону кэһэн туран бултаабыт уонна маһы кэрдибит дьон сууттаныа

Комментарии Криминал и происшествие

Поделиться:

НВК САХА – Үөһээ Бүлүү борокуратуурата сокуону кэһэн туран, бултааһыҥҥа уонна маһы кэрдиигэ буруйданар икки киһиэхэ сыһыаннаан буруйдуур түмүгү бигэргэттэ.

Силиэстийэ сабаҕалыырынан, бу дьон куомуннаһан, көҥүллүүр докумуона суох тус туһанарыгар 15 тиити кэрдибит. Ол түмүгэр ойуур пуондатыгар 19 474 солкуобайдаах хоромньу тахсыбыт. Манан сибээстээн кинилэр көҥүллэрэ 4 сылга тиийэ быстыан сөп.

Маны таһынан биир киһи Кырыкый сэлиэнньэтигэр «Умсаҥнаах» диэн сиргэ кыыл-сүөл суолун көрөн, хапкаан ииппит. Ол түмүгэр сокуоннайа суох 4 саһылы, 4 кииһи бултаабыт. Онон 182 400 солкуобайдаах хоромньуну таһаарбыт. Холуобунай кодекс тустаах ыстатыйатын кэһии иһин кини көҥүлүн 5 сылга тиийэ быһыахтарын сөп.

Буруйу оҥоруулартан тахсыбыт хоромньуну кэһээччилэр силиэстийэ кэмигэр баҕа өттүнэн төлөөтүлэр.

СӨ борокуратууратын пресс-сулууспата иһитиннэрбитинэн, дьыала суут көрүүтүгэр барда.

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

двенадцать − 7 =

ЛЕНТА НОВОСТЕЙ