Үөһээ Бүлүүнэн ааһар кыһыҥҥы суолга айан тохтотулунна

Комментарии Общество и политика

Поделиться:

НВК САХА – Үөһээ Бүлүүгэ Бүлүү өрүһүнэн ааһар федеральнай суолталаах суолга бүтэһик күннэри баттаһа күнүстэри-түүннэри массыыналар тохтоло суох айанныыллар. Күн бүгүҥҥэ диэри манна 10 тоннаҕа диэри уйуктаах тимир көлөлөргө айан көҥүллэнэн турбута. Оттон бүгүн, муус устар 16 күнүгэр, анал хамыыһыйа тахсан, муус халыҥын, туругун бэрэбиэркэлиир үлэни ыытта.

Тустаах бэрэбиэркэ кэннэ «Бүлүү» айан суолун тэрилтэтэ муус устар 16 күнүттэн Бүлүү өрүһүнэн ааһар федеральнай суолталаах суолга айаны тохтотто. Онон билигин тустаах үлэһиттэр быһылаан тахсыбатын туһугар хонтуруолу күүһүрдэллэр.

Күнү-дьылы кэтээн көрөөччүлэр быйыл хаар элбэҕэ муус устарыгар көмөлөөх буолуоҕа диэн этэллэр. Ол курдук, хаар ууллан, өрүскэ уу элбэх буоллаҕына, муус харбакка барыа диэн сабаҕалыыллар.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

девятнадцать − четырнадцать =

ЛЕНТА НОВОСТЕЙ