Үөһээ Бүлүү олохтоохторо Давыдовтар дьиэ кэргэн – өбүгэ үгэһин тутуһар дьиҥ саха ыала (ВИДЕО)

Комментарии Экономика и сельское хозяйство

Просмотров: 29

NVK-ONLINE.RU – Үөһээ Бүлүү улууһун Далыр нэһилиэгэ Күүлэт уонна Трудовой диэн учаастактардаах. Өбүгэ дьоннорун төрүт сиригэр, Трудовой учаастагар, 4 оҕолоох Анна, Данил Давыдовтар көһөн кэлэн, дьиэ–уот туттан олохсуйбуттара сүүрбэччэ сыл буолла.

Уруккута совхоз биир тутах үлэһитэ, тракториһа, саҥардыы ыал буолбут эдэркээн уол биир күн совхоз ыһыллан, үлэтэ суох эргийэн хаалбыта. Ийэтин сүөһүтүн көрөн, Далыр нэһилиэгэр олорон иһэн, элбэх сүөһүнү дэриэбинэ ортотугар тутар табыгаһа суоҕун өйдөөн, төрүт сирдэригэр көһөн олохсуйарга быһаарыммыттара. Билигин Трудовой учаастагын сүөһүлээх-астаах ньир-бааччы ыала.

Ыал ийэтэ Анна саха дьахтара сатыырын барытын сатыыр. Ол курдук иистэнньэҥ мааныта, асчыт үтүөтэ, кылынан-сиэлинэн, араас түүлээҕинэн оннооҕор сүөһү хабаҕынан кытта туох эрэ кэрэни оҥорбута эрэ баар.

Оттон ыал сүрүн киһитэ, эбэлэрэ Мария Тихоновна, күннээҕи түбүгүттэн соло буллар эрэ, сиэлтэн араас сиэдэрэй, туһалаах маллары оҥорон, бар дьонугар бэлэхтиир идэлээх.

 



Добавить комментарий

Ваш e-mail не будет опубликован. Обязательные поля помечены *