Үөһээ Бүлүү уустара түҥ былыргы сэрии сэбин үкчү уһааран оҥордулар

Комментарии От редакции

Поделиться:

НВК САХА – 1963 сыллаахха Үөһээ Бүлүү улууһун Нам нэһилиэгэр булуллубут, билигин Бүлүү куорат Староватов аатынан түмэлигэр харалла сытар түҥ былыргы саадаҕан диэн сэрии сэбин Кэнтик нэһилиэгин чап уустара үкчү киэбин оҥордулар.

“Бу саамай улахан сэрии сэбэ, саха тимириттэн син үчүгэй сэбиргэл тахсыан сөп эбит диэн саныыбыт”, – диэтэ “Чап” түмсүү салайааччыта Егор Тумусов. 

Бүлүү куоракка уустар бэйэлэрэ баран-кэлэн, көрөн-истэн, кээмэйин ылан, саадаҕаны болгуо тимиртэн уһааран, миэтэрэттэн ордук биилээх, хатыҥтан уктаах гына ый кэриҥэ  тимир уустара оҥорон таһаардылар.

“Бачча улахан оҥоһугу ууннары тардан, таптайан, бэйэтин бэйэтигэр сыһыаран оҥоруу үлэлээх”, – диир тимир ууһа Павел Константинов. 

Саадаҕан кыргыс үйэтин саҕанааҕы буоларын былыргы рунанан суруллубут ойуулар туоһулууллар. Суруктар тугу кэпсииллэрин өссө даҕаны үөрэтиллэ илик.

“Айыҥа Уус диэн улахан киһилээхпит. Киниэхэ ыытан көрдөрө сылдьыбыппыт. Олох түҥ былыргы сурук, үөрэтиэхпит диэн эппитэ”, – диэтэ Егор Тумусов. 

Саадаҕаны инникитин биир бастыҥ экспонат буолуо диэн Кэнтик нэһилиэгин баһылыгар, салгыы кыраайы үөрэтэр түмэлгэ туттардылар.

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

6 − один =

ЛЕНТА НОВОСТЕЙ