Үөһээ Дьааҥы Хайыһардаах сэлиэнньэтиттэн чугас баһаар буола турар

Комментарии Горячая линия

Поделиться:

НВК САХА – Үөһээ Дьааҥы улууһун Хайыһардаах сэлиэнньэтиттэн чугас ойуур баһаара буола турар. Бу туһунан ЫББМ Саха сиринээҕи салаата иһитиннэрдэ.

“Баһаар билигин кыра. Хайыһардаах сэлиэнньэтэ ойууру кытта чугас турар нэһилиэнньэлээх пууннарга киирэр. Сэлиэнньэттэн соҕуруу Дьааҥы өрүс баар буолан, баһаары ыытыа суохтаах, ону таһынан 5 км уһуннаах минералламмыт балаһа сытар”, – диэн иһитиннэриигэ этиллэр.

Маныаха ыытыллыахтаах үлэ барыта оҥоһулунна.

Айсен Николаев ыксаллаах быһыыны-майгыны туоратар хамыыһыйа мунньаҕын ыытта.  Ол түмүгүнэн аэромобильнай бөлөх тиийэрин быһаардылар. Онно быыһааччылар уонна СӨ бырабыыталыстыбатын бэрэссэдээтэлин солбуйааччыта Денис Белозеров киирдилэр.

Ил Дархан баһаар туохтан тахсыбытын быһаарарга суһал бөлөҕү анаата, ол түмүгүнэн буруйдаахтары быһаарыахтара.

“Биэдэмистибэ уонна Саха сирин салалтата балаһыанньаны хонтуруоллуур. Балаһыанньа мөлтөөтөҕүнэ, аэромобильнай бөлөҕү күүһүрдэргэ туох гыныллыахтааҕа былааннанна”, – диэн ЫБММ Саха сиринээҕи салаатын начаалынньыгын солбуйааччыта Евгений Рощин эттэ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

19 + два =

ЛЕНТА НОВОСТЕЙ