Үөһээ Муунаҕа «АЛРОСА» бөдөҥ күндү таастарын баараҕай саппааһа баар буолуон сөп

Комментарии Общество и политика

Поделиться:

НВК САХА – Үөһээ Муунаҕа 51,49 уонна 98,8 караттаах улахан, сэдэх алмаас көстүбүтэ. Айылҕа баайа Саха сирин арҕаа өттүгэр Удачнайтан 170 км-дээх сиргэ баар. Билиҥҥи туругунан, «Заполярнай», «Деймос», «Новинка», «Комсомольская-Магнитная» түөрт кимберлитовай туруупкалар үөрэтиллэн, үлэлээн эрэллэр. Былаан быһыытынан, манна сылга 1,8 мөлүйүөн карат­таах алмааһы хостуохтара. Сир баайын саппааһа быһа холоон 2042 сылга диэри тиийиэҕэ диэн «Алроса» хампаанньа пресс-сулууспата иһитиннэрэр.

Хайаны байытар 12 №-дээх фабрикаҕа «Заполярнай» туруупкаттан 100 тыһыынча туонна руданы тиэйэн аҕалбыттарыттан, алмаас ахсаана былааннаммыт көрдөрүүттэн таһыччы үрдүгүн туһунан иһитиннэрдилэр.

«Биэс күн иһигэр «Заполярнай» айылҕа баай­даах сиртэн 8 караттан үөһээ ыйааһыннаах 239 бөдөҥ алмааһы ыллыбыт. Бу үчүгэй көрдөрүү. Холобур, «Удачнай» туруупкатын таастара быдан кыралар», — диэн «Алроса» хампаанньа кылаабынай инженерэ Андрей Черепнов иһитиннэрдэ.

Бу алмаастар быыстарыгар 51,15, 70, 67 карат­таах ювелирнай таастар бааллар, оттон 268 караттаах түөрт улахаттара хаачыстыбалара арыый мөлтөх.

Күндү таастары барыларын «АЛРОСА» алмааһы көрүҥнэринэн араарар Мииринэйдээҕи киинигэр ыыттылар. Онно айылҕа баайын хаачыстыбатын тургутан көрүөхтэрэ уонна сыаналыахтара.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

один + четыре =

ЛЕНТА НОВОСТЕЙ