Ефрем Сивцев – Таллан Бүрэ төрөөбүтэ 110 сылыгар аналлаах өрөспүүбүлүкэтээҕи научнай -практическай конференция буолуо

Комментарии Спорт и культура

Поделиться:

НВК САХА – Тохсунньу 25 күнүгэр саха биллиилээх бэйиэтэ Ефрем Сивцев – Таллан Бүрэ төрөөбүтэ 110 сылыгар аналлаах «Дойдум иһин, норуотум иһин олохпун хардата суох аныам» – диэн өрөспүүбүлүкэтээҕи научнай -практическай конференция үлэлиэ.

Гражданскай сэрии кыттыылааҕа, СӨ култууратын үтүөлээх үлэһитэ, ССРС суруйааччыларын сойууһун чилиэнэ Ефрем Степанович Сивцев – Таллан Бүрэ аатын Нам улууһун Бөтүҥ орто оскуолата сүгэр. Оскуола иһигэр дьиэ түмэлэ арыллыбыта. Кини 1937 сыллаахха бэчээттэммит хоһоонун хомуурунньуга ааҕааччылар биһирэбиллэрин ылбыта. Поэт хомоҕой хоһоонноругар тыа сирин күннээҕи түбүгүн уонна төрөөбүт дойду кэрэтин уус-уран тылынан, ураты тупсаҕайдык хоһуйан ааҕааччы кутун туппута диэн тэрийээччилэр бэлиэтииллэр.

Научнай-практическай конференцияҕа бэйиэт литературнай тылын – өһүн, хоһоон суруйар ньыматын, кини айар үлэтэ саха сэбиэскэй литературатын сайдыытыгар оруолун, Нам улууһун историятын кытары ситимин сиһилии ырытыахтара.

Дьаһалы М.К. Аммосов аатынан ХИФУ, Нам улууһун дьаһалтата, хотугу аҕыйах ахсааннаах норуот кыһалҕатын чинчийэр гуманитарнай институт , СӨ национальнай библиотеката тэрийэллэр. Конференция библиотека историческай саалатыгар сарсыарда 9 чаастан саҕаланар. Күнүс 14 чаастан Таллан Бүрэ «Уолан Эрэлик» диэн саҥа кинигэтин сүрэхтэниитэ буолуо.

Ыспыраапка:

Сивцев Ефрем Степанович – Таллан Бүрэ (25.01.1909 – 01.03.1984) – саха бэйиэтэ, гражданскай сэрии кыттыылааҕа, СӨ култууратын үтүөлээх үлэһитэ, 1944 сыллаахтан ССРС суруйааччыларын сойууһун чилиэнэ. Нам улууһугар төрөөбүтэ. Ефим Сивцев «Бочуот знага» уордьанынан наҕараадаламмыта.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

десять + 16 =

ЛЕНТА НОВОСТЕЙ