Егор Борисов: Халаан кэмигэр судаарыстыба көмөтө наада

Комментарии Общество и политика

Поделиться:

НВК САХА – Саха сиригэр федеральнай суолталаах ыксаллаах быһыы-майгы режимэ олохтонуута наада этэ диэн Егор Борисов суруналыыстары кытта көрсүһүү кэмигэр иһитиннэрдэ.

«Дойду ыксаллаах быһыыга-майгыга министиэристибэтин салайааччыта Владимир Пучков Саха сиригэр сырыытын кэмигэр федеральнай суолталаах ыксаллаах быһыы-майгы олохтуурга көрдөспүппүт, тоҕо диэтэр халаан уутуттан тахсыбыт хоромньуну бэйэбит толуйарбытыгар ыарахан», – диэн Егор Борисов эттэ.

«Уус Маайа, Амма, Томпо оройуоннарыгар уу түһэр. Кангалас аннынан муус хамсаата. Билигин балаһыанньа Тааттаҕа ыарахан, Уус Алдан уонна Нам оройуоннарыгар нэһилиэктэр ууга бараллара күүтүллэр. Биһиги онно бэлэммит. Хоромньуну ааҕы уонна чөлүгэр түһэрии үлэлэрэ саҕаланнылар», – диэн Егор Борисов иһитиннэрдэ.

Ону тэҥэ кини өрөспүүбүлүкэ халаан уутун бастакы түһүмэҕин ааста, сабаҕалааһын быһыытынан өссө иккис, үһүс түһүмэх күүтүллэр диэн эттэ. Хоту сытар Индигиир уонна Халыма өрүстэр эстэн саҕалаатылар. От ыйын ортотуттан атырдьах ыйыгар диэри Үөһээ Дьааҥы уонна Өймөкөөн оройуоннарыгар халаан уута күүтүллэр. –ай//фа

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

девятнадцать + 8 =

ЛЕНТА НОВОСТЕЙ