Егор Борисов Россия бырабыыталыстыбатын саҥа тутулун туһунан санаатын үллэһиннэ

Комментарии Общество и политика

Поделиться:

НВК САХА – Ил Дархан Егор Борисов РФ миниистирдэрин кабинетын тутулун туһунан суруналыыстары кытта көрсүһүү кэмигэр санаатын эттэ.

Россия президенэ Владимир Путин федеральнай былаас саҥа тутулун бигэргэппитэ. Докумуоҥҥа сурулларынан, РФ үөрэх уонна наука министиэристибэтэ икки биэдэмистибэҕэ уларыйыаҕа: үөрэхтээһин министиэристибэтэ уонна наука, үрдүк үөрэхтээһин министиэристибэтэ диэҥҥэ.

Ону тэҥэ сибээс уонна маассабай коммуникация министиэристибэтэ цифровой сайдыы, сибээс уонна маассабай коммуникация министиэристибэтэ диэҥҥэ уларыйыахтаах.

Тас дойдулары кытта атыы-эргиэн представительствота экономика сайдыытын министиэристибэтиттэн, минпромторг салайыытыгар киириэҕэ. Вице-премьер ахсаана тоҕустан уоҥҥа диэри үрдүөҕэ.

Аһаҕас бырабыыталыстыба үлэтин-хамнаһын салайар хамыыһыйа суох буолуоҕа.

Егор Борисов баар кыһалҕалары туоратарга хас биир судаарыстыба бэйэтэ быһаарыныы ылынар диэн эттэ.

«Атын -атын дойдуларга тутул туспа оҥоһуллар. Бу үгэстэртэн, сыалтан, уопуттан уо.д. а. тутулуктаах. Онон чунуобунньук ахсаана үс төгүл элбэҕэ уонна начаалынньык ахсаана балтараа төгүл аҕыйаҕа оруолу оонньообот. Сүрүнэ диэн – туруоруллубут сыал ситиһиллиэхтээх», — диэн Егор Борисов эттэ.

Ону тэҥэ Егор Борисов Саха сирин судаарыстыбаннай, ситэриилээх былааһын уорганнарын тэрийиини, РФ атын регионнарын кытта тэҥнээн көрүөххэ наада диэн эттэ.

«Биһиги Россияҕа «экономиканы салайыы» диэн бырагырааманы бастакынан киллэрбиппит. Бырайыактаан салайыы билигин өрөспүүбүлүкэҕэ инники күөҥҥэ турар. Хас да пилотнай бырайыактар олоххо киирдилэр. Билигин «Управление оптимизацией структуру управления с точки зрения формирования новых конкретных действий» диэни олоххо киллэрэргэ үлэлиибит», – диэн Егор Борисов эттэ. –ай//фа

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

9 − восемь =

ЛЕНТА НОВОСТЕЙ