Егор Борисов: «Ыам ыйынааҕы ыйаах» сыала биһиги өрөспүүбүлүкэбит соруктарын кытта сөп түбэһэр

Комментарии Общество и политика

Поделиться:

НВК САХА – Дойду президенэ Владимир Путин таһаарбыт «ыам ыйынааҕы ыйаах» сыала биһиги өрөспүүбүлүкэбит соруктарын уонна дьулуһууларын кытта сөп түбэһэр диэн Егор Борисов суруналыыстары кытта көрсүһүү кэмигэр иһитиннэрдэ.

Өрөспүүбүлүкэ салайааччыта бу «ыам ыйынааҕы ыйаах» киэҥ ис хоһоонноох диэн эттэ. Демография, доруобуйа харыстабылын, үөрэхтээһин, экология, наука, цифровой экономика эйгэтигэр 12 приоритетнай бырайыактар киирэллэр.

«Өрөспүүбүлүкэҕэ «ыам ыйынааҕы ыйаахха» киирбит хайысхаларынан үлэ ыытыллар. Биһиги ыйаах сыалын олоххо киллэриини дьэҥкэтик өйдүүбүт уонна ону ситиһэргэ үлэлиибит. Чопчу докумуоннар ылыныллан, өрөспүүбүлүкэ олохтоохторугар диэри тиийиэхтэрэ», – диэн Ил Дархан эттэ.

Ону тэҥэ ыйаах биир сүрүн сыалынан демография көрдөрүүтүн тупсарыы буолар.

«Саха сирэ Уһук Илиҥҥэ бу боппуруоска ситиһиилээхтик үлэлиир регион буолар. Бүтэһик сылларга олох олоруу орто кээмэйэ үрдээн, 71 сылга тэҥнэстэ. Манна үлэ салҕанар», – диэн Егор Борисов бэлиэтээтэ.

Егор Борисов саамай уустук хайысхаларынан нэһилиэнньэ дохуотун үрдэтии уонна дьадаҥы олоҕу кытта охсуһуу буолар диэн эттэ. –ай//фа

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

4 × 2 =

ЛЕНТА НОВОСТЕЙ