«Эн – сулускун 50+» ырыа күрэҕэр кыайыылааҕы муус устар 27 күнүгэр быһаарыахтара

Комментарии От редакции

Поделиться:

НВК САХА – “Саха” НКИХ “Эн – сулускун” бырайыага үс ый устата Сахабыт сирин араас муннугуттан 50-тан аҕа саастаах ырыа куттаах, талааннаах дьону түмтэ. Финалга тахсыбыт 10 бастыҥ ырыаһыттартан ким кыайыылаах буолара субуотаҕа, муус устар 27 күнүгэр, киэһэ 19.00 чаастан биллиэҕэ.

Уопсайа 318 сайаапка киирбититтэн 256 киһи сүүмэрдээһини ааспыта. Оттон түмүктүүр түһүмэххэ 10 киһи таҕыста.

Ол курдук Уус Алдан Тандатыттан Аркадий Самсонов, Хаҥалас Тиит Арыытыттан Екатерина Ефремова, Амма Алтаныттан Евсей Андреев, Бүлүү Өкүндүтүттэн Иван Данилов, Дьокуускайтан Вячеслав Попов, Владимир Иган, Мэҥэ Хаҥалас Чыамайыкытыттан Геннадий Филиппов, Дьокуускай куорат Мархатыттан Ньургуйаана Кузьмина, Томпо Мэҥэ Алданыттан Иван Чириков уонна Дьокуускайтан Лонгина Бережнева финалга таҕыстылар.

“Эн – сулускун” диэн бырайыак баар диэбиттэрэ. Ону кулууппут сибээстэһэн, сайаапка түһэрбиттэрэ. Бастакы турга “Амсат эрэ дьэдьэҥҥиттэн” диэн ырыаны ыллаабытым. Онтон Игнатий Слепцов “Ырыам аргыс буолуохтун” диэн ырыатын толорбутум”, – диэн күрэх финалиһа Аркадий Самсонов эттэ.

Маны тэҥэ “Көрөөччү биһирэбилэ” анал аат  СМС-куоластааһын нөҥүө быһаарыллыаҕа.

Санатар буоллахха, “Эн – сулускун 50+” ырыа куонкуруһа үлэтин олунньу 11 күнүттэн саҕалаабыта. Саха сирин талааннаах 50-тан аҕа саастаах дьоно ыллыыр дьоҕурдарын киэҥ араҥаҕа таһаараллар.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

один × 4 =

ЛЕНТА НОВОСТЕЙ