«Эн – сулускун» күрэс биэс бастакы финалистара ааттаннылар

Комментарии Главные новости, От редакции

Поделиться:

НВК САХА – “Саха” НКИХ ханаалыгар тахсар “Эн – сулускун” ырыа куонкуруһун түмүктүүр түһүмэҕин иннинээҕи күрэһэ түмүктэннэ. Ол курдук Уус Алдан Тандатыттан Аркадий Самсонов, Хаҥалас Тиит Арыытыттан Екатерина Ефремова, Амма Алтаныттан Евсей Андреев, Бүлүү Өкүндүтүттэн Иван Данилов уонна Дьокуускайтан Вячеслав Попов финалга таҕыстылар.

Дьүүллүүр сүбэҕэ Саха Өрөспүүбүлүкэтин народнай артыыһа Николай Попов, СӨ үтүөлээх артыыһа Александр Бурнашев, СӨ култууратын туйгуна Эрчим дьүүллүүр сүбэҕэ киирэн, 20 кыттааччыттан түөрдүн таллылар.

Кэлэр субуотаҕа, муус устар 20 күнүгэр, финал иккис аҥаара буолуоҕа. Ол түһүмэххэ эмиэ биэс кыттааччы финалга ааһар кыахтаныа.

Муус устар 20 күнүгэр киэһэ 19.00 чаастан финал иккис аҥаарын көрөргүтүн умнумаҥ.

Санатар буоллахха, “Эн – сулускун 50+” ырыа куонкуруһа үлэтин олунньу 11 күнүттэн саҕалаабыта. Саха сирин талааннаах 50-тан аҕа саастаах дьоно ыллыыр дьоҕурдарын киэҥ араҥаҕа таһаараллар. Уопсайа 318 сайаапка киирбититтэн, 256 киһи сүүмэрдиир түһүмэххэ кытынна. Финалга 10 эрэ кыттааччы күөн көрсүөҕэ.

Бырайыак ыыттааччылара Индира Софронова, Георгий Белоусов көрөөччүлэргэ анаан саҥа ааттары арыйыахтара, талааннаах биир дойдулаахтарбытын билиһиннэриэхтэрэ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

восемнадцать − двенадцать =

ЛЕНТА НОВОСТЕЙ