«Эн – сулускун» ырыа күрэҕэ көрөөччү улахан кэрэхсэбилин ылар

Комментарии Главные новости, От редакции

Поделиться:

НВК САХА – “Эн – сулускун 50+” музыкальнай бырайыакка кыттааччылары сүүмэрдиир бастакы түһүмэх түмүктэннэ.

Манна 16 кыттааччыттан финал аҥаарыгар биэс киһи киирдэ. Кинилэртэн түөрт кыттааччы – дьүүллүүр субэ быһаарыытынан, биир киһи СМС куоластааһын түмүгэр салгыы кыттар кыахтанна.

Ол курдук Томпоттон Иван Чириков 600 тахса куолаһы ылан, куонкуруһу салгыы ааста.

Санаттахха, “Саха” көрдөрөр-иһитиннэрэр хампаанньа бырайыагар нэдиэлэ ахсын 16 киһи кыттар. Тэрийээччилэр этэллэринэн, бу бырайыак көрөөччүлэр улахан кэрэхсэбиллэрин ылла. Сөбүлээбит ырыаһыттаргыт туһугар СМС нөҥүө куоластааһын тохтоло суох барар.

“Эн – сулускун 50+” ырыа куонкуруһа үлэтин олунньу 11 күнүттэн саҕалаабыта. Саха сирин талааннаах 50-тан аҕа саастаах дьоно ыллыыр дьоҕурдарын киэҥ араҥаҕа таһаараллар. Олунньу 9 күнүгэр номнуо кастинг бастакы күнүгэр 32 кыттааччы уһуллубута. Кастинг икки ый устата ыытыллыаҕа.

Бырайыак ыыттааччылара Индира Софронова, Георгий Белоусов көрөөччүлэргэ анаан саҥа ааттары арыйыахтара, талааннаах биир дойдулаахтарбытын билиһиннэриэхтэрэ.

Бырайыак бүтэһик түһүмэҕэ муус устар ый бүтүүтэ буолуоҕа. Кыайыылаахтарга сыаналаах бириистэри туттарыахтара.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

10 + 8 =

ЛЕНТА НОВОСТЕЙ