Эр киһи Дьокуускай түмэлигэр 1,8 мөлүйүөн солкуобайдаах хоромньуну таһаарда

Комментарии Криминал и происшествие

Поделиться:

НВК САХА -Киин куоракка 23 саастаах буруйу оҥорбут киһини туттулар. Бу туһунан ИДьМ пресс-сулууспатыгар эттилэр.

Уорбаланааччы итирик туруктаах маҕаһыыҥҥа киирэн атыыһыт суотабай төлөпүөнүн уорбут. Ол кэннэ Дьокуускай түмэлигэр киирбит.

“Түмэл иккис этээһин түннүгүн алдьатан иһирдьэ киирбит. Харабыллааччы кэлиэн иннинэ витриналары, сыаналаах экспонаттары алдьата охсубут”,- диэн иһитиннэриигэ этиллэр.

Хоромньу 1 мөлүйүөн 797 тыһыынча солкуобайга тэҥнэспит.

Бу кэнниттэн эр киһи түмэл сиригэр хаалбыт массыына күлүүһүн ылан, сүүрдэн барбыт. Суол саахалыгар түбэспит.

“Уоруу”, “Баайы-дуолу соруйан алдьатыы”, “Быраабы кэһэн туран массыынаны бас билии” диэн ыстатыйаларынан холуобунай дьыала тэрилиннэ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

четыре + пятнадцать =

ЛЕНТА НОВОСТЕЙ