Евдокия Гаврильева – Сибэкки Дуунньа: «Оҕобутугар Янда арыы аатын биэрбиппит»

Комментарии Кэрэ кистэлэҥэ, От редакции

Поделиться:

НВК САХА – “Кэрэ кистэлэҥэ” биэриигэ биллэр дьон ийэлэрэ кэлэн ыалдьыттаатылар.

Ол курдук фитнес-инструктор Янда Табунанова ийэтэ Евдокия Гаврильева – Сибэкки  Дуунньа ыалдьыттаата. Евдокия оҕуруот, сибэкки арааһын олордор, оннооҕор буолуох, Саха сирин тыйыс айылҕатыгар виноград үүннэрэр буолбута. Онон кинини интэриниэт үйэтигэр билбэт дьахтар аймах суоҕун да кэриэтэ буолуо.

Сибэкки Дуунньа Мэҥэ Хаҥалас улууһун Суолатыттан төрүттээх, Намҥа кийиит буолан олохсуйбута 42 сыл буолла. Оскуолаҕа үлэлии сылдьан ыалдьан, үлэтин тохтоппут. Ол эрээри Евдокия сөбүлүүр дьарыгын бырахпатах. Сибэккиттэн саҕалаан, винограды кытта үүннэрэр буолбут. Билигин груша, яблоко, слива, черешня олордубут.

“Мин агроном да, биолог да буолбатахпын. Таах сөбүлээн дьарыктанабын, сыыһа-халты да буоллар, тугу сатыырбын үллэстэбин. Быйылгыттан Тааттанан, Амманан, Чурапчынан, Горнайынан, Сунтаарынан, Ньурбанан, Бүлүүнэн сылдьан, үлэбин кэпсээн, үөрэтэн кэллим”, – диэн Евдокия кэпсиир.

Евдокия ватсап бөлөхтөрүгэр үлэтин уопутун үллэстэр, учуутал буоларын быһыытынан, куруук сүбэлиир-амалыыр, үөрэтэр-такайар.

“Сибэккигэ үйэм тухары сүгүрүйүөм. Ыалдьа сылдьан, Санкт-Петербурга көрдөрө барар этибит. Ол сылдьан, арай, сибэкки маҕаһыыныттан олус үөрбүт-көппүт сибэкки тутуурдаах киһи тахсан кэлбитэ. Онуоха кэргэним: “Сибэкки атыылыырынан дьарыктаныах”, – диэбитэ. Онтон барыта саҕаламмыта”, – диэтэ Евдокия. 

Евдокия үнүбэрситиэккэ нуучча тылын салаатыгар бастакы кууруска үөрэнэ сылдьан, Нам Көбөкөнүгэр быраактыкаҕа барбыт. Устудьуоннар ыччат биригээдэтигэр киирэн, Янда арыыга үлэлээбиттэр. Ол арыыга тиийэн, олоҕун аргыһын, дьолун көрсүбүт. Кэргэнэ Анатолий оччолорго: “Биһиги хайаан даҕаны холбоһуохпут, бастакы оҕобут кыыс буолуоҕа, Янда арыы аатын биэриэхпит”, – диирэ.

Ол курдук бастакы оҕолоро Янда кыыс күн сирин көрбүт. Үс сааһыгар диэри эбэлээх эһэтин тапталларыгар угуттанан улааппыт. Евдокия үөрэҕин бүтэриэр диэри эбэлээх эһэтэ көрбүттэр, аҕатын эдьиийдэрэ эмиэ бүөбэйдэспиттэр. “Янда кыра эрдэҕиттэн лидер этэ”, – диэн Евдокия кэпсээтэ.

 

Сиһилии “Кэрэ кистэлэҥэ” биэриигэ көрүҥ.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

двенадцать + 6 =

ЛЕНТА НОВОСТЕЙ