Евгений Чекин Кангаласс уонна Маҕан баһаарынайдарын кытта көрүстэ

Комментарии Общество и политика

Поделиться:

НВК САХА – Саха сирин бырабыыталыстыбатын бэрэссэдээтэлэ Евгений Чекин уонна нэһилиэнньэҕэ куттал суох буолуутун хааччыйыы судаарыстыбаннай кэмитиэтин бэрэссэдээтэлэ Юрий Зайцев муус устар 17 күнүгэр Кангаласс микрооройуонун 10№дээх баһаарынай чаас үлэһиттэрин кытта көрүстүлэр.

Мунньахха баһаары утары охсуһар сулууспалар хамнастарын уонна төһө материальнай-техническэй өттүнэн хааччыллыбыттарын туһунан кэпсэттилэр.

Бырабыыталыстыба бэрэссэдээтэлэ маннык ньыманан бэйэни иһитиннэрэ сатыыры утарарын туһунан баһаарынайдарга эттэ: «Саамай сүрүнэ – дьон олоҕор куттал суох буоларыгар. Кинилэр олохторугар уонна доруобуйаларыгар туох да суоһуо суохтаах. Бу эһиги үлэҕититттэн улахан тутулуктаах».

Ол гынан баран, Евгений Чекин үлэһиттэргэ махтанарын биллэрдэ.

«Бары боппуруостар боротокуолга сурулла сылдьаллар, онон хамсааһын барыаҕа. Сотору кэминэн сорох боппуруостары быһаарыахпыт. Ол гынан баран манна кыһалҕалар эмиэ бааллар. Ону киэҥник ырытан быһаарар тоҕоостоох. Бу дьиэ өрөмүөнэ уонна хамнаһы үрдэтии боппуруостарыгар сыһыаннаах», – диэтэ Чекин.

Евгений Чекин көрсүһүү иннинэ суһал мунньаҕы муус устар 16 күнүгэр ыытан турар. Боротокуол бүтэһик барыйааныгар кыһалҕалаах бары боппуруостары быһаарар туһунан миэрэлэр суруллубуттар.

«Саха сиринээҕи баһаары утары охсуһар судаарыстыбаннай сулууспа «Противопожарная охрана» ППО ирдэбилин толорорго  былаан оҥоруохтаах. Ол иһигэр састаабы форма таҥаһынан хааччыйарга, үлэ усулуобуйата доруобуйаҕа буортутун эбэтэр кутталлааҕын иһин уонна бириэмэни таһынан үлэлииргэ эбии үп көрүллэригэр республика бырабыыталыстыбатыгар ходатайство киириэхтээх», – диэн чопчуланар.

Ону таһынан боротокуолга Дьокуускай куораттааҕы суут быһаарыытын толорор туһунан боппуруостар ыйыллыбыттар. Ол курдук 2016 сылга сэттэ халандаарынай күнү эбии уоппуска биэрэр, үлэлээбит кэмнэрин иһин хамнас төлүүр, уурайбыт үлэһиттэри төттөрү үлэҕэ ылар туһунан үлэһиттэр ирдээбиттэр.

Мунньах түмүгүнэн баһаарынай чаастары бэрэбиэркэлиир бырабыыталыстыба хамыыһыйатын тэрийэргэ быһаардылар. Ону таһынан Саха сирин судаарыстыбаннай баһаары утары охсуһар сулууспа салалтатыгар эмиэ бэрэбиэркэ ыытыахтара.

Премьер-миниистири кытта көрсүһүүгэ Кангаласс бөһүөлэгэр Маҕан баһаарынай чааһын бэрэстэбиитэлэ Роман Городов кэлбит. Кини этэринэн, харабыллыырга икки эрэ буолан тураллар – кини уонна караул начальнига.

«Биһиги караулга саатар биирдии байыаһы эбии биэриҥ диэн этэ сатаабыппыт. Ол гынан баран дьыала хамсаабат. Баһаар буолар түгэнигэр кирилиэһи да туруорар кыахпыт суох. Ол гынан баран маннык түбэлтэҕэ дьону таһаартыахтаахпыт, ол кэмигэр баһаары умулларыахтаахпыт, умайа турар диэн салалтаҕа биллэриэхтээхпит», – диэтэ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

три × один =

ЛЕНТА НОВОСТЕЙ