Федерация Сэбиэтин хамыыһыйата национальнай бырайыактар туолууларын бэрэбиэркэлиир

Комментарии Общество и политика

Поделиться:

НВК САХА – Ыам ыйын 16-17 күннэригэр Дьокуускайга РФ судаарыстыбаннай уонна муниципальнай хонтуруол эйгэтигэр быраабы сүрүннээһини ситэрэн-хоторон биэриигэ Федерация Сэбиэтин кылгас болдьохтоох хамыыһыйата үлэлиир.

Сенатордар бөлөхтөрүн хамыыһыйа итиэннэ парламент үлэтин тэрийиигэ уонна регламеҥҥа Федерация Сэбиэтин бэрэссэдээтэлэ Андрей Кутепов салайар. Бу туһунан СӨ баһылыгын уонна бырабыыталыстыбатын пресс-сулууспата иһитиннэрэр.

Манна улахан болҕомтону бэрэсидьиэн Владимир Путин ыам ыйдааҕы национальнай уонна кэскиллээх бырайыактарга туһуламмыт ыйааҕа өрөспүүбүлүкэҕэ төһө туолан иһэллэригэр ууруохтара. Бөлөх арахсан култуура, успуорт, буруйу боруостуур онтон да атын эбийиэккэ сылдьыа.

Андрей Кутепов салайааччылаах бөлөх киин куоракка сырыытын Можайскай уулуссатын 13/3Г нүөмэрдээх олорор дьиэлэри көрүүттэн уонна олорор дьиэлэри тутуу итиэннэ Саха сиригэр кыттыһан туттарааччылар интэриэстэрин көмүскүүр, албыннаппыт дьону түмэр “Квадрат” уопсастыбаннай тэриллиини кытта билсииттэн саҕалыа. Бырабыыталыстыба 1 №-дээх дьиэтигэр видеоконференция көрүҥүнэн “Уһук Илиҥҥи гектар” боппуруостарыгар мунньах буолуо.

Күн иккис аҥаарыгар сенатордар адаптивнай физкультура уонна успуорт киинигэр сылдьыахтара, “Хааччаҕа суох эйгэ” уопсастыбаннай тэриллии чилиэннэрин, кибатлетика актыбыыстарын, тириэньэрдэри, Ил Түмэҥҥэ элбэх оҕолоох ийэлэри кытта көрсүөхтэрэ.

Киэһэтин норуот депутаттара кыттыылаах түмүктүүр мунньаҕы Ил Дархан Айсен Николаев уонна хамыыһыйа бэрэссэдээтэлэ Андрей Кутепов салайан ыытыахтара.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

пять + двенадцать =

ЛЕНТА НОВОСТЕЙ