Горнай улууһугар киин балыыһа тэриллибитэ 85 сыллаах үбүлүөйүн бэлиэтээтэ (ВИДЕО)

Комментарии Образование и здравоохранение

Просмотров: 35

NVK-ONLINE.RU – Тэрээһин улуустааҕы киин балыыһа комплексын тутуутугар үгүс сыратын биэрбит, өр кэмнэргэ Өймөкөөн, Горнай улуустарыгар кылаабынай бырааһынан үлэлээбит, Горнай улууһун бочуоттаах олохтооҕо Спиридон Спиридонович Михайлов сырдык аатын үйэтитэр сыаллаах кини туттарбыт балыыһатын эркинигэр мемориалнай дуоска арыллыытынан саҕаланна. Манна улуус салалтата, доруобуйа харыстабылын Министерствота, биир идэлээхтэрэ. Аймах-билэ дьоно мустан, Спиридон Спиридонович олорон ааспыт олоҕун сүрүн сыалын ситиспит туоһутун долгуйа аҕыннылар.

Кырдьыга да бу тыа улууһугар ахсааннаах , аныгы ирдэбилгэ эппиэттиир, бары өттүнэн толору хааччыллыылаах улахан баараҕай балыыһа дьиэтэ, ону ааһан хас биирдии оборудованията – Спиридон Спиридонович өр кэмнэргэ туруорсубут, сүүрбүт-көппүт үлэтин түмүгэ. Бу туруорбут сыалын ситиһэригэр кини бэйэтин харыстаммакка үлэлээн, доруобуйатын толук уурбута диэн бииргэ үлэлээбит дьоно ахталлар. Оттон оҕолоругар бу күн ураты суолталаах.

Күн иккис аҥарыгар үтүө суобастаахтык үлэлии-хамсыы сылдьар үрүҥ халааттаах ааньаллары наҕараадалааһын, бу эйгэҕэ үлэлээбит ытык дьоннорун чиэстээһин үөрүүлээх чааһа ыытылынна.



Добавить комментарий

Ваш e-mail не будет опубликован. Обязательные поля помечены *

5 × 3 =