Горнайга бизнес-инкубатор киинэ арылынна (ВИДЕО)

Комментарии Экономика и финансы

Просмотров: 25

NVK-ONLINE.RU – 2015 сылтан саҕалаан Горнай улууһугар бизнес-инкубатор киинин тутуу үлэтэ саҕаламмыта, билигин бу киин үөрүүлээх арыллыыта буолла.

Улууска бизнес-инкубатор тутуллааһынын ситиһээри Саха Өрөспүүбүлүкэтин урбаанын Министерствота уонна улуус дьаһалтата “Дьоҕус урбааны өйүүр инфраструктураны тэрийии уонна сайыннарыы” диэн федеральнай күрэххэ кыттан, 35 мөл үп ылбыта, эбии улуустан 2 мөл үп көрүллэн, саҥа саҕалааччы урбаанньыттарга көмө буолар бизнес дьиэтин тутуута саҕаламмыта. 283 квадратнай миэтэрэлээх бизнес дьиэтин аттыгар эбии 300 квадратнай миэтэрэлээх производственнай сыах тутулунна.

Бу киин саҥа саҕалааччы урбаанньыттар бэйэлэрин дьарыктарынан бизнес оҥостон, үлэлииллэригэр, сайдалларыгар төһүү күүс буолар.

Толору хааччыллыылаах, сылаас, ыраас дьиэҕэ билиҥҥи туругунан 7 урбаанньыт үлэтин саҕалыаҕа. Урбаанньыттар бу кииҥҥэ 3 сыл үлэлииллэрэ көҥүллэнэр, бу сыллар тухары кинилэр чэпчэтиилээх арендаҕа туруохтара ону тэҥэ туох баар юридическэй, бухгалтерскай боппуруостары быыһарсарга кинилэргэ бу киин үлэһиттэрэ буор босхо көмөлөһөн, сүбэлээн, кинилэр үлэлэрэ үрдүк таһымнаах буоларыгар кыһаллыахтара.

Бу курдук бу бизнес инкубатор киинин, оҥорон таһаарар сыаҕар ортотунан, 45 кв. миэтэрэлээх үс хоско, урбаанньыттар бэйэ производстватын оҥорон таһааралларыгар усулуобуйа тэрилиннэ. Онон саҥа саҕалааччы урбаанньыттарбыт ситиһиилээхтик үлэлииллэригэр сөптөөх түгэн тосхойдо.



Добавить комментарий

Ваш e-mail не будет опубликован. Обязательные поля помечены *